मरकुस 8:32 - बिलासपुरी नौआं नियम

³² तिने ये गल्ल तिन्हांने साफ-साफ बोल्ली ती। इस पर पतरस तिस्सो कण्डे नेईने डांटणे लगया;

मरकुस 8:32 ပူးပေါင်းရင်းမြစ်များ

मत्ती 16:22

फेरी पतरस तिस्सो इक्की बक्खा लेईग्या कने गुस्सा हुईने बोलणे लगया, “प्रभु, परमेशर तू पर दया करो भई तूहने येढ़ा कदीं नीं ओ!”

मरकुस 4:38

कने सै अप्पूँ किश्तिया रे पिछले हिस्से च गद्दिया पर सिर रक्खीने सुत्तीरा था; फेरी तिन्हें तिस्सो जगाईने गलाया, “गुरू जी, अहें सारे डुबणे औल़े कने तिज्जो कोई चिन्ता नीं!”

लूका 10:40

पर मार्था खाणा त्यार करने रे कई कम्मां च बौहत व्यस्त थी। सै प्रभु ले आई कने बोल़णे लगी, “प्रभु क्या ये ठीक आ भई मेरी बैहण येत्थी तुहांले बैठीरी रौ, कने सारा काम्म हऊँ कल्ही करूँ? क्या तुहांजो इसा गल्ला री फिक्र नीं? तिसाजो बोल्ला भई आईने मेरी सहायता कर।”

यूहन्ना 10:24

तिस बगत यहूदियें आईने सै घेरील्या कने बोलणे लगे, “तू अहांजो कदुआं तक सोचणे पर मजबूर करदे रैहणा? जे तू मसीह आ, तां अहांने साफ-साफ बोल्ली दे।”

यूहन्ना 11:14

इस खातर फेरी यीशुये तिन्हांने साफ-साफ बोल्या, “लाजर मरी चुक्कया;

यूहन्ना 16:25

“ये सब गल्लां मैं तुहांजो कहाणिया रे जरिये दस्सियां : पर सै बगत आयाराँ ताहली जे माह उदाहरणा च तुहांजो किछ मनी गलाणा, पर पिता परमेशरा रे बारे च सारियां गल्लां साफ-साफ दसणियां।

यूहन्ना 16:29

तिसरयां चेलयां गलाया, “देख तू हुण बगैर कहाणियां ते साफ-साफ गलाया राँ।

यूहन्ना 18:20

यीशुये जबाब दित्या, “मैं सदा लोकां च रईने सारयां ने खुल्लेआम गल्ल-बात किति; मैं यहूदी सभा घराँ कने मन्दरा च तित्थी जे सारे लोक कट्ठे हुआं ये, सदा उपदेश दित्या। मैं कदीं बी लुखी-छिपिने किछ नीं गलाया।