मरकुस 8:31 - बिलासपुरी नौआं नियम

³¹ तां यीशु चेलयां जो सखाणे लगया भई माहणुये रे पुत्रा यनि मेरे खातर जरूरी आ भई सै बौहत दुख सहो, कने यहूदी बजुर्ग, कने मुखियेयाजकां, कने शास्त्रियां तिस्सो घटिया समझीने मारी देणा, कने तिस तिज्जे दिन मूईरयां चते भीं ते जिऊंदा हुई जाणा।

मरकुस 8:31 ပူးပေါင်းရင်းမြစ်များ

मत्ती 12:40

कने तियां जे योना तिन्न दिन कने तिन्न रात तिस समुद्री जीबा रे पेट्टा च रैया था, तियां इ माहणुये रे पुत्रा यनि मांज बी तिन्न दिन तिन्न रात कब्रा़ रे अन्दर रैहणा।

मत्ती 21:42

यीशुये तिन्हाने गलाया, “क्या तुहें पवित्रशास्त्रा रा ये बचन नीं पढ़या: ‘राजमिस्त्रियें इक्की पत्थरा जो बेकार समझीने सटाईत्या था, पर वगत औणे पर पता लगया भई सैई पत्थर कुणे रा सबनीं ते खास पत्थर बणीग्या? येढ़ा परमेशरा रिया तरफा ते हुया, सै जे अहां रियां नज़राँ च त नोखा।’

मत्ती 27:63

तिन्हे गलाया, “महांराज, अहांजो याद आ भई तिने झूठे ताहली जे सै जिऊंदा था, गलाया था, माह तिज्जे दिन ज्यून्दे हुई जाणा।

मरकुस 12:10

क्या तुहें पवित्रशास्त्रा च ये वचन नीं पढ़या : “‘तिस पत्थरा जो जे राज मिस्त्रीये बेकार समझया था, सैई मकाना रा खास पत्थर हुईग्या;

लूका 17:25

पर इसते पहले माहणुये रे पुत्रा यनि मिन्जो जो बौहत जुल्म सैहणे पौणा, कने इसा पीढ़ियां रे लोकां मिन्जो अपराधी बनाणा।

लूका 24:26

क्या मसीह रे खातर ये जरूरी नीं था भई इसते पैहले सै इन्हां पीड़ां जो भुगते फेरी स्वर्गा च जाईने अपणे अधिकारा रिया गद्दिया पर बैट्ठो?”

लूका 24:44

फेरी यीशुये गलाया, “ताहली जे हऊँ तुहांजो इ था, तिस वगत मैं तुहांजो गलाया था भई मूसा री व्यवस्था कने भविष्यवक्तयां रियां कतावां च कने भजन संहिता च मेरे बारे च सै जे लिखिरा, सै सारी गल्लां पूरियां हुणियां।”

यूहन्ना 12:48

सै जे मिन्जो छोट्टा जाणाँ सै मेरियां गल्लां मनदा निआं तिस्सो दोषी बनाणे औल़ा त इक आ; मतलब सै जे वचन मैं बोल्या, तिस इ न्याय रे दिन तिस्सो दोषी ठराना।

यूहन्ना 2:19

फेरी यीशुये तिन्हांजो जबाब दित्या, भई “इस मन्दरा जो तोड़ी दो, मांज इस्सो तिन्नां दिनां च दोबारा बणाई देणा।”

प्रेरितां 7:35

“तिस मूसा जो जे तिने येढ़ा बोलीने नां करी ती थी, ‘तिज्जो किने अहां पर हाकम कने न्यायी बणाईरा?’ तिस्सो इ परमेशरे राजपाल कने छुड़ाणे औल़ा बणाईने, तिस स्वर्गदूता रे जरिये तिने जे झाड़िया च दर्शण दित्या था, भेज्या।

1 कुरिन्थियों 15:4

कने गड्डया गया; कने पवित्रशास्त्रा रे मुतावक तिज्जे दिन जी उट्ठया,