मरकुस 8:26 - बिलासपुरी नौआं नियम

²⁶ तिने तिस्सो घरा भेजित्या कने येढ़ा गलाया, “गाँवां जो जाणे ते पैहले अपणे घरा जो जा।”

मरकुस 8:26 ပူးပေါင်းရင်းမြစ်များ

मत्ती 12:16

कने तिन्हौं खबरदार कित्या भई सै मेरे बारे च लोकां जो किछ नीं दस्सो।

मत्ती 8:4

यीशुये तिसने गलाया, “देख, इस बारे च किसी ने बी देखां बोलदा, पर जाईने अप्पूँजो याजका ले दास्स कने सै भेंट जे मूसे ठैहराईरी तिसाजो चढ़ा, ताकि सै लोक जाणी लो भई तू ठीक हुईगरा।”

मत्ती 9:30

कने सै दोन्नों अन्हे इकदम देखणे च सक्षम हुईगे, फेरी यीशुये तिन्हांजो चेतावनी देईने गलाया, “खबरदार, तुहें किसी ने नीं बोल्यों भई मैं तुहांरे खातर क्या कित्तीरा।”

मरकुस 5:43

फेरी यीशुये सख्तिया ने चेतावनी दित्ति भई सै इसा खबरा जो नीं फैलाओ भई तिने कुड़िया जो मूईरेयां चते जिऊंदा कित्या था। यीशुये तिसारे माता-पिता जो गलाया, “इसाजो किछ खाणे जो देआ।”

मरकुस 7:36

तां यीशुये लोकां ने बोल्या भई किसी ने देखां बोलदे; पर जितना तिने तिन्हांजो चिताया तितना इ सै होर प्रचार करने लगे।

मरकुस 8:23

सै तिस अन्हे रा हात्थ पकड़ीने तिस्सो गाँवां ते बाहर लईग्या, कने तिसरियां आक्खीं पर थुक लाया कने तिस पर हात्थ रक्खया, कने तिसते पुच्छया, “क्या तू किछ देख्यारा?”

मरकुस 8:25

तां तिने फेरी भीं तिसरियां आक्खीं पर हात्थ रखे, कने अन्हे बड़े गौरा ने देख्या। सै ठीक हुईग्या, कने सब साफ-साफ देखणे लगया।