मरकुस 8:17 - बिलासपुरी नौआं नियम

¹⁷ ये जाणीने यीशुये तिन्हाजो गलाया, “अहांले रोटी नीं बोल्लीने तुहें कजो अप्पूँ चियें विचार करी रायें? तुहौं हूणा तक समझी जाणा चाहिन्दा था भई जे रोटी चाहिन्दी तां हऊँ तुहांजो अदभुत रितिया ने रोटी देई सक्कां! पर तुहें येढ़ा नीं सोच्ची रायें!

मरकुस 8:17 ပူးပေါင်းရင်းမြစ်များ

मत्ती 12:15

ये जाणीने यीशु ऊत्थीते चलिग्या। काफी लोक तिसरे पिच्छे चली पे, कने तिने सब्बीं जो चंगा कित्या,

मत्ती 15:17

क्या तुहें नीं समझदे भई जो किछ मुँआं च जां, सै पेट्टा च पौआं, कने फेरी शरीरा ते बाहर निकल़ी जां?

मत्ती 16:7

सै अप्पूँ चियें बचार करदे हुये गलाणे लगे, “हुई सक्कां तिने ये इस खातर बोल्या काँह्भई अहें रोटी सौगी नीं ल्याये।”

मरकुस 16:14

फेरी यीशु तिन्हां ग्याराँ चेलयां जो बी दुस्या, तंजे सै रोटी खाणे बैठिरे थे। तिने लोकां रे लगातार विश्वास करने जो नकारने कने ढिठाईया पर ल़ुहामा दित्या, काँह्भई तिन्हेंजे तिसजो मुड़दयां चते जिऊंदा हुणे ते बाद देख्या था, तिन्हें बी तिसरा विश्वास नीं कित्या।

मरकुस 2:8

यीशुये इकदम जाणील्या, भई सै अपणे-अपणे मना च येढ़ा बचार करया रायें, कने तिन्हांजो बोल्या, “तुहांजो येढ़ा नीं सोचणा चाहिन्दा।

मरकुस 3:5

यीशुये तिन्हांरे अड़ियल स्वाभावा ते उदास हुईने बड़े गुस्से ने तिन्हांरी तरफ देख्या, कने तिस माहणुये जो गलाया, “अपणा हात्थ मेरी तरफ कर।” तियां जे तिने हात्थ अग्गे कित्या, सै ठीक हुईग्या।

मरकुस 6:52

तिन्हें यीशुये जो तिन्हां रोटियां कने मच्छियां जो कई गुणा बढ़ान्दे हुये देख्या, फेरी बी यीशु कितना सामर्थी था सै जे तिन्हौं समझणा चाहिन्दा था, पर वो समझी नीं पाये।

मरकुस 8:16

चेले अप्पूँ चियें बचार करीने बोलणे लगे, “अहांले रोटी नीं।”

लूका 24:25

यीशुये तिन्हां दुईं माहणुआं ने गलाया, “तुहें कितणे मूर्ख लोक ये! पवित्रशास्त्रा च भविष्यवक्तयां सै जे लिखिरा, तिस पर तुहांजो विश्वास करना कितना मुश्कल हुआं?

यूहन्ना 16:30

हुण अहें समझीगे भई तू सब किछ जाणाँ, हुण किसी जो बी तेरते किछ बी पुछणे री जरूरत नीं, काँह्भई इसते अहांजो ये विश्वास हुईग्या भई तू परमेशरा रिया तरफा ते आईरा।”

यूहन्ना 21:17

यीशुये फेरी तिज्जी बार पतरसा जो गलाया, “यूहन्ना रे पुत्र शमौन, क्या तू मिन्जो प्रेम कराँ?” पतरस बौहत परेशान हुईग्या भई यीशुये तिस्सो तिज्जी बार ये पुच्छया, क्या तू मिन्जो प्रेम कराँ? तां पतरसे यीशुये जो गलाया, “हे प्रभु! तू सब किछ जाणाँ, तू जाणाँ भई हऊँ तेरने प्रेम कराँ।” यीशुये तिस्सो गलाया, मेरियां भेड्डां जो चरा।

प्रकाशितवाक्य 2:23

मांह तिसारे बच्चयां जो मारी देणा; फेरी सारी कलीसियां ये जाणी लेणा भई दिल कने मना रा परखणे औल़ा हऊँ इ हाया; कने मांह तुहां चते हरेक जो तिसरयां कम्मां रे मुतावक ईनाम देणा।