मरकुस 8:11 - बिलासपुरी नौआं नियम

¹¹ फेरी फरीसी आईने तिसने बैहस करने लगे, कने तिस्सो परखणे खातर तिसते कोई स्वर्गीय नशाण मंगया, ताकि अहें जाणी लो भई तिज्जो परमेशरे भेज्जिरा।

मरकुस 8:11 ပူးပေါင်းရင်းမြစ်များ

मत्ती 12:38

इसा गल्ला पर किछ यहूदी शास्त्रियें कने फरीसियें तिसने गलाया, “गुरू जी, अहें तुहांते इक चमत्कारी नशाण देखणा चाँये, तिसते जे ये साबित हुई जाओ भई तिज्जो परमेशरे भेज्जिरा।”

मत्ती 19:3

फेरी किछ फरीसी यीशुये जो परखणे रे मकसदा ते तिसले आए कने तिसने स्वाल कित्या, “क्या किसी बी वजह ते अपणिया घराऔल़िया जो छडणा ठीक आ?”

मत्ती 21:23

ताहली जे सै मन्दरा च जाईने उपदेश देईराँ था, तां मुखियायाजकें कने यहूदी बजुर्गें नेड़े जाईने तिसते पुच्छया, “ये काम्म तू किस अधिकारा ने कराँ? कने ये अधिकार तिज्जो किने दित्या?”

मत्ती 22:15

फेरी फरीसियें जाईने इक सभा किति, तिसा च तिन्हे ये विचार कित्या भई कियां यीशुये जो तिसरिया गलाई रियां गल्लां च फसाई सक्कां ये।

मत्ती 22:18

यीशु तिन्हारे बुरे इरादे जाणीने गलाया, “कपटियो, तुहें मिन्जो कजो परखणा चाँये?

मत्ती 22:23

तिस दिन किछ सदूकी सै जे मरने ते बाद जिऊंदा हुणे जो नीं मनदे, तिसले आये कने तिसते पुच्छया,

मरकुस 12:15

अहें कर दईये की नीं दईये?” पर यीशुये तिन्हारा कपट जाणीने, तिन्हाजो गलाया, “हऊँ जाणा भई तुहें मेरे मुँआं ते किछ गल़त निकलवाणे री कोशिश करी रायें ताकि माह पर कोई दोष लाई सक्को।” कने तिने बोल्या, “इक दिनार (इक्की दिना रिया मजदूरिया रे बराबर था) मेरे लौ ल्यावा, भई हऊँ तिस्सो देक्खुँ।”

मरकुस 2:16

किछ यहूदी शास्त्री सै जे फरीसी बी थे तिन्हें ये देखीने भई सै त पापियां कने चुंगी लेणे औल़यां ने सौगी रोटी खाईराँ, इस खातर तिन्हें यीशुये रे चेलयां जो बोल्या, “सै त पापियां कने चुंगी लेणे औल़यां ने सौगी खां-पीआं!”

मरकुस 9:16

यीशुये तिन्हांते पुच्छया, “तुहें इन्हांने क्या बैहस करया रायें?”

लूका 10:25

इक दिन ताहली जे यीशु लोकां जो सखाया राँ था, तां इक व्यवस्थापक उट्ठया; कने ये बोल्लीने तिसजो परखणे लगया, “गुरू जी, अनन्त जीवना रा बारस होणे रे खातर हऊँ क्या करूँ?”

लूका 11:16

किछ होरीं लोकें यीशुये जो परखणे खातर तिसते इक स्वर्गीय नशाण मंगया, भई इसा गल्ला जो साबित कर भई तिज्जो परमेशरे भेज्जिरा

यूहन्ना 4:48

यीशुये तिसने गलाया, “तदुआं तक जे तुहें चमत्कारा रे काम्म नीं देक्खी लेंगे ताहलुआं तक तुहां विश्वास नीं करना।”

यूहन्ना 6:30

फेरी लोकें तिसने गलाया, “फेरी तू केढ़ा जेआ चमत्कार दसणा भई अहें तिन्हांजो देखीने तूह पर विश्वास करो?

यूहन्ना 7:48

क्या यहूदी अगुवेयां या फरीसियां चते किन्हिये तिस पर विश्वास कित्या?

यूहन्ना 8:6

तिन्हे यीशुये जो परखणे रे खातर ये गल्ल बोल्ली ताकि तिन्हाजो कोई येढ़ा बहान्ना मिली जाओ तिसते जे सै तिस पर कोई दोष लगाई सक्को। पर यीशु थल्ले खौ झुकीने अपणिया गुट्ठिया ने धरतिया पर लिखणे लगया।

प्रेरितां 5:9

पतरसे तिसाने गलाया, “ये क्या गल्ल इ भई तुहें दुईं प्रभुये रिया आत्मा जो परखणे खातर येक्का कित्या? देख, तेरे लाड़े रे दफन करने औल़े दरवाजे पर इ पुज्जीरे, कने तिन्हां तिज्जो बी बाहरा जो लई जाणा।”

1 कुरिन्थियों 10:9

कने नां अहें प्रभुये जो परखिये, तियां जे तिन्हां चते कितणेयां कित्या, कने सर्पां रे डसणे ते मरीगे।