मरकुस 7:4 - बिलासपुरी नौआं नियम

⁴ ताहली जे सै बज़ारा ते औआं थे बिणा हात्थ धोये नीं खान्दे थे; कने बौहत सारियां होर रितियां जो बी मन्नां थे, तियां जे भई कटोरियां, लोटे, ताँबे रे बरतना जो धोणा कने माँजणा।

मरकुस 7:4 ပူးပေါင်းရင်းမြစ်များ

मत्ती 23:25

“अरे कपटी शास्त्रियो कने फरीसियो, तुहांरी सजा बौहत भयानक हूणी! काँह्भई तुहें लालची कने स्वार्थी ये, पर तुहें अप्पूँजो पवित्र होणे रा ढोंग रचां ये। इस खातर तुहें तिन्हां कौलियां कने थाल़ियां साई ये सै जे बाहरा ते साफ ये पर अन्दरा ते गन्दे।

मत्ती 23:26

अरे अन्हे फरीसियो, पैहले माहणुआं जो लुटणा बन्द करा तांई तुहें धर्मा रे कम्मां रा पालन करी पांगे, कने फेरी तुहां तिस कटोरे साई हूणा सै जे अन्दरा बाहरा ते साफ हुआं।

मत्ती 27:24

ताहली जे पिलातुसे देख्या भई हुण कोई फैदा निआं कने दंगा भड़कदा इ चली रा था, तां तिने थोड़ा पाणी लेआ कने भीड़ा रे सामणे अपणे हात्थ धोये कने गलाया, “हऊँ इस धर्मी माहणुये रे खून्ना ते निर्दोष आ, तुहें इ जाणा।”

मरकुस 7:8

काँह्भई तुहें परमेशरा रे हुक्मां रा पालन करना बन्द करितरा कने माहणुआं रियां रितियां रा पालन करां ए।”

यूहन्ना 2:6

यहूदी रितिया रे मुताबक ऊथी पाणी भरने रे पत्थरा रे छे मटके रखीरे थे, सै मटके तियां इ थे जियां जे यहूदी शुद्धी करने खातर कम्मां च इस्तेमाल कराँ थे। हर मटके च कोई अस्सी ते इक सौ बीह लीटर तक पाणी औआं था।

यूहन्ना 3:25

ऊत्थी यूहन्ने रे चेलयां री किसी यहूदी धर्म गुरुये सौगी शुद्धीकरण रे बारे च बैहस बसाई हुईगी।

इब्रानियों 9:10

परमेशरा जो चढ़ाये जाणे औल़ियां चीजां त सिर्फ खाणे-पीणे कने कई तरह रियां शुद्धीकरण रियां विधियां नेई मतलब रखां। ये सिर्फ शारीरिक नियम ये, ये तदुआं तक लागू हुआं ये तदुआं तक जे परमेशर नया नियम नीं बणाई देन्दा।

याकूब 4:8

परमेशरा रे नेड़े औआ, तां तिस बी तुहांरे नेड़े औणा। अरे पापियो! अपणयां पापां जो अपणे जीवना ते दूर करा, कने दोगले माहणुओ, अपणे मना जो पवित्र करा।

1 यूहन्ना 1:7

पर तियां जे परमेशर जोति आ, तियां इ जे अहें बी जोतिया च जीवन बिताईये, तां अहें इक्की दुज्जे ने संगती रखां ये, कने तिसरे पुत्र यीशु मसीह रा खून अहांजो सारयां पापां ते साफ कराँ।