मरकुस 7:28 - बिलासपुरी नौआं नियम

²⁸ तिसे यीशुये जो जवाब दित्या, “ये सच्च आ प्रभु; फेरी बी कुत्ते बी त बच्चयां रे खाणे रे मेज़ा हेठ पैईरे टुकड़यां जो खाई लें।”

मरकुस 7:28 ပူးပေါင်းရင်းမြစ်များ

मत्ती 15:27

तिसे बोल्या, “ये ठीक आ प्रभु, पर घरा रे कुत्ते बी त अपणे मालका रिया मेज़ा हेठ पैईरे किरुआं जो खांये।”

मत्ती 5:45

ताकि तिसते तुहां स्वर्गा च रैहणे औल़े अपणे पिता रे बच्चे बणना; काँह्भई सै भलयां कने बुरयां दुईं लोकां पर सूरजा री लोय बराबर कराँ, कने धर्मी कने पापी सबनीं लोकां पर सै बराबर बरखा कराँ।

मरकुस 7:27

यीशुये जनाना जो गलाया, “घरा रे बच्चयां जो सै जे यहूदी ये तिन्हांजो पैहले रज्जीने रोटी खाणे दे, काँह्भई बच्चयां ते रोटी लेईने कुत्तयां जो देणा ठीक निआं।”

मरकुस 7:29

यीशुये तिसाजो गलाया, “ये गल्ल बोलीने तैं माह पर अपणा विश्वास दस्या इस वजह ते मैं तुहांरी कुड़ी ठीक कित्ती, इस खातर हुण तू अपणे घरौ चली जा।”

रोमियो 10:12

ये इस खातर आ भई यहूदियां कने अन्यजातियां च कोई फर्क निआं, काँह्भई सारयां रा प्रभु त इक इ हाया कने सै जे तिसजो पुकाराँ ये तिन्हांजो सै बौहत आशीष देआं।

रोमियो 3:29

क्या परमेशर सिर्फ यहूदियां राई परमेशर हाया? क्या सै अन्यजातियां रा परमेशर निआं? हाँ, परमेशर तिन्हांरा बी आ।

इफिसियां 3:8

हलाँकि हऊँ सब पवित्र लोकां च छोट्टयां ते बी छोट्टा, परमेशरे अनुग्रह ने मिन्जो ये मौका दित्या ताकि हऊँ अन्यजातियां जो मसीह री अपार आशीषां री खुशखबरी सुणाऊँ।