मरकुस 7:13 - बिलासपुरी नौआं नियम

¹³ इयां इ तुहें अपणिया बणाई रिया रितिया जो मनणे खातर लोकां जो बोलां ये, कने तुहें ये करने पर परमेशरा रे हुक्मां रा आदर नीं करदे।”

मरकुस 7:13 ပူးပေါင်းရင်းမြစ်များ

मत्ती 15:6

इस तरिके ने तिस्सो अपणे माता-पिता रा आदर करने री जरूरत नीं, इयां तुहें अपणे रीति-रिवाजां जो परमेशरा रे वचना ते बड्डा बणाईत्या।

मरकुस 7:14

तां यीशुये लोकां जो अप्पूँ ले सद्दीने तिन्हांने गलाया, “तुहें सारे मेरी गल्ल सुणा, कने जो किछ हऊँ दस्सां तिसजो समझणे री कोशिश करा।

मरकुस 7:3

काँह्भई फरीसी कने सब यहूदी खाणा खाणे ते पैहले हमेशा पूर्वजां रिया रितिया रे मुतावक अपणे हात्थां जो धोआं थे।

मरकुस 7:5

इस खातर फरीसियें कने शास्त्रियें यीशुये ते पुच्छया, “तेरे चेले बजुर्गां रियां रितियां पर काँह नीं चलदे, कने बिणा हात्थ धोये रोटी खायें?”

मरकुस 7:9

यीशुये तिन्हांजो गलाया, “तुहें अपणियां रितियां जो मनणे खातर बड़िया चलाकिया ने परमेशरा रे हुक्मा जो तोड़ां ये!

गलातियां 1:14

हऊँ यहूदी धर्मा च अपणी जाति औल़यां ते सै जे मेरिया उम्रा रे थे, जादा बधदा गया कने मेरे पूर्वजां ते सै जे रिवाज मिन्जो मिले, तिन्हां च मेरी बौहत आस्था थी।

गलातियां 5:21

जल़ण, नशा, मतवाले हूणा या येढ़ि इ होर गल्लां, हुण हऊँ तुहांजो इन्हां गल्लां रे बारे च तियां इ चेतावनी देई कराँ, तियां जे हऊँ तुहांजो पैहले इ चेतावनी देई बैठिरा था भई सै लोक जे येढ़ियां गल्लां च शामिल हुंगे, सै परमेशरा रे राज्जा रे बारस नीं हुणे।

तीतुस 1:14

कने सै यहूदियां री मन-घड़न्त कहाणियाँ कने तिन्हां माहणुआं रे हुक्मां पर ध्यान नीं देणा, सै जे सच्चाईया रा इन्कार कराँ ये।