मरकुस 6:34 - बिलासपुरी नौआं नियम

³⁴ ताहली जे यीशु किश्तिया ते उतरया, तिने इक बौहत बड्डी भीड़ देक्खी, कने तिन्हां पर तिस्सो तरस आया, काँह्भई सै तिन्हां भेड्डां साई थे, तिन्हांरा जे कोई रखवाल़ा नीं हो; सै तिन्हांजो परमेशरा रे राज्जा री बौहत सारी गल्लां सिखाणे लगया।

मरकुस 6:34 ပူးပေါင်းရင်းမြစ်များ

मत्ती 14:14

यीशु ताहली जे किश्तिया चाते उतरी ने कनारे पर आया, तां तिने बौहत लोकां री भीड़ कट्ठी हुईरी देक्खी, तिस्सो तिन्हां पर तरस आया कने तिने बमार लोकां जो ठीक कित्या।

मत्ती 15:32

फेरी यीशुये अपणे चेले सद्दे कने गलाया, “मिन्जो इन्हां लोकां पर तरस आईराँ, काँह्भई ये लोक तिन्नां दिनां ते मांह सौगी ये कने इन्हांले खाणे जो बी किछ निआं। हऊँ इन्हांजो भुक्खा नीं भेजणा चाँह, काँह्भई हुई सक्कां किति ये रस्ते ची बेहोश हुईने नीं पैईजो।”

मत्ती 9:36

यीशु ताहली जे कई लोकां जो देक्खां तां तिस्सो लोकां पर तरस आया, काँह्भई सै लोक तियां इ सताईरे कने मजबूर थे, तियां जे सै भेड्डां हुआं इयां तिन्हांरा जे कोई रखवाल़ा नीं हुन्दा।

मरकुस 6:33

पर बौहत लोकें यीशुये जो जान्दे हुए देख्या कने जाणीगै भई सै किति जाया रां, इस खातर लोकें सब्बीं नगराँ ते कट्ठयां हुईने तित्थी जो पैदल इ दौड़ीगे कने यीशु कने तिसरे चेलेयां ते पैहले पुज्जीगे।

मरकुस 6:35

तंजे दिन बौहत घरीग्या, तां यीशुये रे चेले तिसले आईने बोलणे लगे, “ये सुनसान जगह इ, कने दिन बौहत घरी गरा।

मरकुस 8:1

तिन्हां दिना च बौहत सारे लोक यीशुये ले आए कने तिसरे चऊँ पासयां कट्ठे हुए, कने तिन्हां लोकां ले खाणे जो किछ मनी था, तां तिने अपणे चेलयां जो अप्पूँ ले सद्दीने तिन्हांने गलाया,

मरकुस 8:2

“मिन्जो इसा भीड़ा पर तरस आया रां, काँह्भई ये तिन्नां दिना ते मेरने सौगी ये, कने इन्हांले हुण किछ बी खाणे जो नींआ।

लूका 9:11

पर लोकां री भीड़ ये जाणीगी भई सै कितो जाई कराँ, कने भीड़ तिसरे पिच्छे चलीपी। कने सै खुशी-खुशी तिन्हांने मिलया, कने तिन्हांने परमेशरा रे राज्जा री गल्लां करने लगया कने सै जे ठीक हूणा चाँह थे तिन्हाजो ठीक कित्या।

इब्रानियों 2:17

इस वजह ते मसीह यीशुये जो सब्बीं गल्लां च माणुआं साई बणना जरूरी था; ताकि सारयां रे पापां खातर सै प्रायश्चित बल़ि हुणे रे खातर परमेशरा रे सामणे दयालु कने विश्वास लायक महायाजक बणो।

इब्रानियों 4:15

काँह्भई यीशु मसीह सै जे अहांरा महायाजक आ सै अहां री हरेक कमजोरिया जो समझां; काँह्भई सै सब्बीं गल्लां च अहां साई शैतान्ना रे जरिये परखया गया, पर तिने कोई पाप नीं कित्या।