मरकुस 6:17 - बिलासपुरी नौआं नियम

¹⁷ हेरोदेस राजे खुद यूहन्ने जो पकड़ीने जेल्ला च पाणे रा हुक्म दित्या था। राजे ये काम्म हेरोदियासा रिया वजह ने कित्या था तिसाने जे तिने ब्याह कित्या था, हलांकि सै राजे रे भाई फिलिप्पुस री जनाना थी।

मरकुस 6:17 ပူးပေါင်းရင်းမြစ်များ

मत्ती 11:2

यूहन्ने ताहली जे जेल्ला च मसीह रे कम्मां री खबर सुणीने अपणे चेलयां जो तिसते ये पुछणे जो भेज्या भई,

मत्ती 4:12

यीशुये ताहली जे सुणया भई यूहन्ना पकड़या जाई चुक्कीरा, तां यीशु यहूदा प्रदेशा जो छड्डिने गलील प्रदेशा जो बापस गया।

मरकुस 6:16

हेरोदेस राजे ये सुणीने गलाया, “ये यूहन्ना वपतिस्मा देणे औल़ा! मैं खुद इसरा सिर कटवाया था, पर सै मूईरेयां चते जिऊंदा हुईग्या!”

लूका 3:1

रोम देशा रे बादशाह तिबिरियुस रे राज्जा रे पन्द्रहवे साल्ला च ताहली जे पुन्तियुस पिलातुस यहूदिया प्रदेशा रा राजपाल था, कने तिस देशा रे चौथे हिस्से रे राजयां च हेरोदेस गलील इलाके रा कने तिसरा भाई फिलिप्पुस इतुरैया कने त्रखोनीतिस जिले रा, कने लिसानियास अबिलेने प्रदेशा रे चौथे हिस्से बिच राज कराँ था।

यूहन्ना 3:24

ये तिस वगता री गल्ल इ ताहली जे यूहन्ने जो बन्दी बणाईने जेल्ला च कैद नीं कित्तिरा था।