मरकुस 6:16 - बिलासपुरी नौआं नियम

¹⁶ हेरोदेस राजे ये सुणीने गलाया, “ये यूहन्ना वपतिस्मा देणे औल़ा! मैं खुद इसरा सिर कटवाया था, पर सै मूईरेयां चते जिऊंदा हुईग्या!”

मरकुस 6:16 ပူးပေါင်းရင်းမြစ်များ

मत्ती 14:2

तां तिने अपणे सेबकां ने गलाया, “ये बपतिस्मा देणे औल़ा यूहन्ना! सै जे मूईरयां ते जिऊंदा हुईग्या, इस खातर तिसले ये परमेशरा री शक्ति तिसा वजह ने जे सै सामर्था रे काम्म करया राँ।”

मत्ती 27:4

कने गलाया, “मैं इक बेदाग माहणुये रा खून करने खातर पकड़वाई ने पाप कित्या।” तिन्हे लोकें गलाया, “अहांजो क्या? तूई जाण।”

मरकुस 6:15

कने लोकें यीशुये रे बारे च गलाया, “ये एलिय्याह भविष्यवक्ता, तिसजो जे परमेशरे भीं ते भेजणे रा वायदा कित्तिरा था!” पर होर किछ लोकें गलाया, “ये भविष्यवक्तयां चते इक्की साई आ।”

मरकुस 6:17

हेरोदेस राजे खुद यूहन्ने जो पकड़ीने जेल्ला च पाणे रा हुक्म दित्या था। राजे ये काम्म हेरोदियासा रिया वजह ने कित्या था तिसाने जे तिने ब्याह कित्या था, हलांकि सै राजे रे भाई फिलिप्पुस री जनाना थी।

लूका 9:9

हेरोदेस राजे गलाया, “मैंई त यूहन्ने रा सिर बढाईरा, तां फेरी ये माहणु कुण आ तिसरे बारे च जे हऊँ येढ़ि हैरान करने औल़ियां गल्लां सुणीराँ?” कने सै यीशुये जो देखणे रा मौका टोलदा रैया।