मरकुस 6:15 - बिलासपुरी नौआं नियम

¹⁵ कने लोकें यीशुये रे बारे च गलाया, “ये एलिय्याह भविष्यवक्ता, तिसजो जे परमेशरे भीं ते भेजणे रा वायदा कित्तिरा था!” पर होर किछ लोकें गलाया, “ये भविष्यवक्तयां चते इक्की साई आ।”

मरकुस 6:15 ပူးပေါင်းရင်းမြစ်များ

मत्ती 16:14

तिन्हे बोल्या, “किछ बोलां ये भई तू बपतिस्मा देणे औल़ा यूहन्ना, कने किछ बोलां ये भई तू एलिय्याह कने किछ होर बोलां ये भई तू यिर्मयाह या भविष्यवक्तयां चते कोई इक आ।”

मत्ती 21:11

लोकें गलाया, “ये गलील रे नासरत नगरा रा भविष्यवक्ता यीशु आ।”

मरकुस 6:16

हेरोदेस राजे ये सुणीने गलाया, “ये यूहन्ना वपतिस्मा देणे औल़ा! मैं खुद इसरा सिर कटवाया था, पर सै मूईरेयां चते जिऊंदा हुईग्या!”

मरकुस 8:28

तिने जवाब दित्या, “यूहन्ना बपतिस्मा देणे औल़ा; पर कोई-कोई एलिय्याह, कने कोई-कोई भविष्यवक्तयां चते इक आ।”

लूका 1:17

यूहन्ना परमेशरा रे सेवक एलिय्याह री आत्मा च कने सामर्थया च भरी ने तिसरे अग्गे-अग्गे चलना। ताकि परमेशरा रे औणे ते पैहले लोकां रे मनां जो परमेशरा जो ग्रहण करने खातर त्यार करी सक्को। तेरे पुत्रा, मौ-बुढ़यां रा मन अपणे बच्चयां री तरफ फेरना, कने तिस हुक्मा जो नीं मनणे औल़े लोकां जो हुक्म मनणे रा ज्ञान सखाणा।”

लूका 7:16

इसा गल्ला जो देखीने लोकां जो बड़ा डर हुईग्या, कने सै येढ़ा बोलीने परमेशरा री स्तुति करने लगे, “अहांरे बिच इक महान भविष्यवक्ता आया कने परमेशरे अपणे लोकां पर मेहरवानी किति।”

लूका 7:39

येढ़ा देखीने सै फरीसी तिने जे यीशुये जो नियून्दा देईने सद्दीरा था, अपणे मना च सोचणे लगया, “इसते त येढ़ा साबित हुआं भई ये यीशु कोई भविष्यवक्ता निआं। काँह्भई जे सच्ची जो सै परमेशरा री तरफा ते भेजीरा हुन्दा, तां येढ़ा जाणी लेन्दा भई ये केढ़ी जनाना इ सै जे इसने छोइराँ इ कने सै कितणी बड्डी पापिन इ।”

लूका 9:19

तिन्हे जबाब दित्या, “किछ लोक बोलां ये भई बपतिस्मा देणे औल़ा यूहन्ना भीं ते जिऊंदा हुईग्या, कने कोई-कोई एलिय्याह बोल्लां यें, कने किछ लोक येढ़ा बोल्लां यें भई पुराणे भविष्यवाणी करने औल़यां चते कोई इक जिऊंदा हुईग्या।”

लूका 9:8

कने कितणेयां ये बोल्या भई एलिय्याह भविष्यवक्ता दिस्या, कने होरीं लोकें गलाया भई पुराणे जमाने रे भविष्यवक्तां चते कोई जिऊंदा हुईग्या।

यूहन्ना 1:21

फेरी तिन्हें यूहन्ने ते पुच्छया, “जे तू मसीह नींआ तां सच्च क्या? क्या तू एलिय्याह भविष्यवक्ता?” तिने जबाब दित्या, “नां, हऊँ सै निआं।” यहूदियें इक होर स्वाल कित्या, “तां क्या तू सै भविष्यवक्ता सै जे औणे औल़ा?” तिने जबाब दित्या “नां।”

यूहन्ना 1:25

तिन्हे तिसते ये स्वाल पुच्छया, भई “जे नां तू मसीह आ, न एलिय्याह, कने नांई सै भविष्यवक्ता, तां फेरी लोकां जो बपतिस्मा कजो देआं?”

यूहन्ना 6:14

यीशुये रे इस चमत्कारा जो देखीने लोक बोलणे लगे, भई “सै भविष्यवक्ता जे इस संसारा च औणे औल़ा था, ये पक्का सैई हाया।”

यूहन्ना 7:40

फेरी भीड़ा चते किछ लोकें ये गल्लां सुणीने गलाया, “सच्चीजो येई सै भविष्यवक्ता तिसरे औणे री जे अहें उम्मीद करी रांये।”

यूहन्ना 9:17

तिन्हे तिस अन्हे ने फेरी भीं गलाया, “तिसरे बारे च तू क्या बोलां काँह्भई तिने तेरिया आक्खीं च जोत पाई?” तिने गलाया, “सै त भविष्यवक्ता।”