मरकुस 6:12 - बिलासपुरी नौआं नियम

¹² इस खातर फेरी चेले लग-लग नगरा च गये कने तिन्हें लोकां च ये प्रचार कित्या भई तुहांजो अपणे पाप छडणे चाहिन्दे कने परमेशरा खा मुड़ना चाहिन्दा।

मरकुस 6:12 ပူးပေါင်းရင်းမြစ်များ

मत्ती 11:1

ताहली जे यीशु अपणे बारा चेलयां जो हुक्म देई बैट्ठया, तां सै तिन्हारे नगराँ च उपदेश कने प्रचार करने जो तित्थी ते चलिग्या।

मत्ती 11:20

फेरी यीशुये तिन्हां नगराँ रे लोकां जो फटकारया तिन्हां च जे तिने बौहत सारे सामर्था रे काम्म कित्तिरे थे, काँह्भई तित्थी रेआं लोकें पाप करना नीं छडया।

मत्ती 3:2

“अपणे पापां ते मन फिरावा, काँह्भई परमेशरा रा राज नेड़े आईगरा।”

मत्ती 3:8

जे तू सही माईने च अपणे पापां ते मन फिराया राँ, तां अपणे भल़यां कम्मां ते तिसजो दस्स;

मत्ती 4:17

तिस बगता ते यीशुये प्रचार करना कने ये बोलणा शुरु कित्या : “अपणे पापां ते मन फिरावा काँह्भई परमेशरा रा राज नेड़े आईरा।”

मत्ती 9:13

इस खातर तुहें जाईने इसरा मतलब सिक्खी लौआ, भई हऊँ बलिदान नीं चाहन्दा पर दया चाँह; काँह्भई हऊँ धर्मियां जो नीं, पर पापियां जो सदणे आईरा।”

मरकुस 1:15

कने तिने गलाया, “हुण बगत आईग्या ताहली जे परमेशरा अपणयां लोकां पर राज करना; इस खातर अपणे पापी स्वभावा जो छड्डा कने खुशखबरिया पर विश्वास करा।”

मरकुस 1:3

सुनसान जगह च इक माहणु हाक पांदा हुआ सुणया राँ भई प्रभुये रा स्वागत करने खातर अप्पूँजो त्यार करा।”

लूका 11:32

फेरी न्याय रे दिन, नीनवे रे लोकां बी इसा पीढ़ियां रे लोकां रे खलाफ उट्ठणा कने तिन्हाजो दोषी बनाणा, काँह्भई योना रे प्रचारा जो सुणीने तिन्हे पाप करना छड्डीते थे। हुण येत्थी येढ़ा कोई हाया, सै जे योना ते बी जादा सामर्थी आ, फेरी भीं ये पीढ़ी तिसरी गल्लां सुणने जो नां कराँ इ।

लूका 13:3

येढ़ा विल्कुल बी निआं! पर जे तुहें बी बुरे कम्मां जो छड्डिने अपणा मन परमेशरा री तरफा जो नीं फिराँगे, तां तुहां सारयां बी येढ़िया इ मौती मरना तियां जे सै मरे थे।

लूका 13:5

नां! पर हऊँ तुहांजो फेरी भीं बोलां भई जे तुहें अपणे पापां ते मन नीं फिराँगे, तां तुहां सारयां बी तियां इ मरना।”

लूका 15:10

इस इ तरिके ने, जे इक पापी बी अपणे पापां ते मन फिराओ, तां स्वर्गा च परमेशरा रे स्वर्गदूतां तिसरे खातर खुशी मनाणी।”

लूका 15:7

हऊँ तुहांजो बोलां; भई इयां इ, इक मन फिराणे औल़े पापिये रे बारे च बी स्वर्गा च आनन्द हूणा, जितना जे भई तुहां साई नड़िनुये लोकां खातर नीं हुन्दी सै जे सोच्चां ये भई अहें धर्मी ये, तिन्हाजो जे बुराईया ते मन फिराणे री जरूरत नीं।”

लूका 24:47

कने यरूशलेम ते लेईने सारियां जातियां च मन फिराणे रा कने पापां रिया माफिया रा प्रचार, तिसरे इ नौआं ते कित्या जाणा।

लूका 9:6

फेरी सै चेले निकल़ीने गाँवां-गाँवां च जाईने खुशखबरी सुणांदे हुये हर जगह बमाराँ जो चंगा करदे रैये।

प्रेरितां 11:18

येढ़ा सुणी ने यहूदी विश्वासी चुप रै, कने परमेशरा री बडयाई करीने बोलणे लगे, “तां परमेशरे अन्यजातियां जो बी अनन्त जीवना खातर मन फराणे रा दान दित्तिरा।”

प्रेरितां 2:38

पतरसे तिन्हांने गलाया, “मन फिरावा, कने तुहां चते सब अपणे-अपणे पापां री माफिया खातर यीशु मसीह रे नौआं ते बपतिस्मा लौ; तां तुहां पवित्र आत्मा रा दान पाणा।

प्रेरितां 20:21

पर यहूदी कने यूनानी लोकां रे सामणे गवाही देन्दा रैया भई परमेशरा खौ मन फिरावा कने अहांरे प्रभु यीशु मसीह पर विश्वास करना चाहिन्दा।

प्रेरितां 26:20

पर पैहले दमिश्क नगरा रे, फेरी यरूशलेम रे रैहणे औल़यां जो, फेरी यहूदिया रे सारे देशा च कने अन्यजातियां जो प्रचार कित्या, भई मन फिराणे कने परमेशरा खौ मुड़ीने मन फिराणे रे लायक काम्म करा।

प्रेरितां 3:19

इस खातर, मन फिरावा कने वापस आई जावा भई तुहांरे पाप माफ कित्ते जाओ, तिसते जे प्रभुये रे सामणे तसल्लिया ने रमान्ना रे दिन आओ,