मरकुस 5:41 - बिलासपुरी नौआं नियम

⁴¹ कने तिसा कुड़िया रा हात्थ पकड़ीने तिसाजो गलाया, “तलीता कूमी!” मतलब “छोट्टी जेई कुड़िये, हऊँ तिज्जो बोलां, उट्ठ!”

मरकुस 5:41 ပူးပေါင်းရင်းမြစ်များ

मरकुस 1:31

तां यीशुये तिसारे नजदीक जाईने तिसारा हात्थ पकड़ीने तिसाजो ठुआलया; तां तिसारा बुखार उतरीग्या। कने सै तिन्हांरी सेवा-टैहल करने लगी।

मरकुस 1:41

यीशुये तिस पर दया करीने हात्थ रख्या, कने तिस्सो छुईने गलाया, “हऊँ चाँह भई तू ठीक हुई जाओ।”

मरकुस 5:40

पर लोक तिस पर हसणे लगे, पर तिने तिन्हां सारयां जो बाहर जाणे जो बोल्या, कने कुड़िया रे मौ-बुढ़यां कने अपणे तिन्नां चेलयां जो अपणे सौगी अन्दर लेईग्या, तित्थी जे कुड़ी रखीरी थी।

मरकुस 5:42

कने सै कुड़ी इकदम उट्ठीने चलने-फिरने लगी; (काँह्भई सै बाराँ साल्लां री थी) येढ़ा देखीने लोक बड़े हैरान हुईगे।

रोमियो 4:17

तियां जे पवित्रशास्त्र बोलां, भई “अब्राहम कई जातियां रा पूर्वज हूणा।” ये वायदा अब्राहमा ने इस खातर कित्या गया था, काँह्भई तिसरा विश्वास परमेशरा पर था, सै जे मूईरयां जो जिन्दगी देआं कने नई चीजां री सृष्टि कराँ।

फिलिप्पियां 3:21

अपणी तिसा सामर्था रे जरिये तिसाते जे सारियां चिज़ां जो सै अपणे बशा च करी लेआं, अहांरे कमजोर शरीरा जो बदली देणा ताकि सै तिसरे प्रतापी शरीरा साई हूणा।