मरकुस 5:35 - बिलासपुरी नौआं नियम

³⁵ सै येढ़ा गलाया इ कराँ था भई यहूदी सभा घरा रे सरदार याईर रे घरा ते किछ लोकें आईने गलाया, “तेरी कुड़ी त हुण मरीगी, गुरुये जो अपणे घरें सद्दीने परेशान करने री जरूरत नीं।”

मरकुस 5:35 ပူးပေါင်းရင်းမြစ်များ

मत्ती 26:10

यीशु जाणिग्या भई ये क्या बोल्ली राँये फेरी तिने तिन्हांने गलाया, “तुहें इसा जनाना जो कजो परेशान करी रायें? तिसे त मेरे खातर इक भला काम्म कित्या।

मत्ती 26:18

तिने गलाया, “गाँवां च तिस माहणुये ले जवा कने तिसने बोल्ला, गुरुये बोल्या भई मेरा बगत नेड़े आ, हऊँ तेरे घरें अपणयां चेलयां सौगी फसह रा त्योहार मनाणे औल़ा।”

मत्ती 9:18

यीशु तिन्हां लोकां जो ताहली जे ये गल्लां बोल्या इ कराँ था, भई यहूदियां रा इक मुखिया तिसले आया कने तिसले झुकीने विनती करदे हुये गलाया, “मेरी कुड़ी येब्बां इ मरी! तू चल्लीने जे तिसा पर अपणा हात्थ रखी दो, तां सै भीं ते ज्यून्दी हुई जाणी।”

मरकुस 10:17

कने तंजे सै तित्थी ते निकल़ीने रस्ते च जाये रां था, तां इक माहणु तिसलौ दौड़दा-दौड़दा आया, कने तिसरे सामणे गोडे टेक्कीने तिस्सो पुच्छया, “हे अव्वल गुरू, अनन्त जीवन पाणे रे खातर हऊँ क्या करूँ?”

मरकुस 5:22

कने याईर नौआं रा इक माहणु आया सै जे यहूदी सभा घरा रे सरदाराँ चते था, सै तिस्सो आदर देणे खातर तिसरे पैराँ इ पैईग्या,

लूका 8:49

जिस बगत सै तिसा जनाना ने गल्ल इ करी कराँ था भई यहूदी सभा घरा रे सरदार याईर रे घरा ते कोई ब्योरा लेईने आया, “तुहांरी बेटी मरीगी, हुण गुरुये जो दुख देणे री जरूरत नीं।”

यूहन्ना 11:21

मार्थे यीशुये जो बोल्या, “हे प्रभु, जे तू येत्थी हुंदा तां मेरा भाई नीं मरदा।

यूहन्ना 11:25

यीशुये तिसाने बोल्या, “हऊँ सै आ सै जे मूईरयां लोकां जो न्याय रे दिन जीवना च वापस लैई औवां; सै जे माह पर विश्वास कराँ, भले इ सै मरी जो, तिस जिऊंदा रैहणा,

यूहन्ना 11:28

फेरी इतणा बोलीने मार्था ऊत्थीते चलीगी, कने अपणी भैण मरियमा जो कल्ही सद्दीने बोल्या, “गुरू येत्थी हाया, कने तिज्जो सदया राँ।”

यूहन्ना 11:32

ताहली जे मरियम तित्थी पुज्जी तित्थी जे यीशु था, तां यीशुये जो देखीने तिसरे पैरा पर पईगी कने बोल्या, “हे प्रभु जे तू येत्थी हुंदा तां मेरा भाई मरदा नीं।”

यूहन्ना 11:39

यीशुये बोल्या, “पत्थरा जो कब्रा रे दरवाजे ते कण्डे करा।” तिस मूईरे री भैण मार्था तिसने बोलणे लगी, “हे प्रभु, तिस चते त हुण बुरी बास आयरदी हूणी, काँह्भई तिस्सो मूईरे जो चार दिन हुईगरे।”

यूहन्ना 5:25

“हऊँ तुहांजो सच्च बोलां भई सै बगत औणे औल़ा बल्कि आई चुक्कीरा, तिसच जे आत्मिक तरिके ने मूईरयां लोकां परमेशरा रे पुत्रा रा यनि मेरा बचन सुणना, कने सै जे सुणगे तिन्हां अनन्त जीवन पाणा।