मरकुस 5:23 - बिलासपुरी नौआं नियम

²³ कने तिने येढ़ा बोलीने यीशुये ते बौहत अरज कित्ती, “मेरी छोट्टी कुड़ी मरने इ औल़ी : इस खातर तुहें मेरे घरें आईने तिसा पर हात्थ रक्खा भई सै ठीक हुईने जिऊंदी रौ।”

मरकुस 5:23 ပူးပေါင်းရင်းမြစ်များ

मत्ती 8:3

यीशुये अपणा हात्थ अग्गे करीने तिसजो छुया कने बोल्या, “बिल्कुल हऊँ चाँह, तू ठीक हुईजो।” कने सै इकदम तिस कोढ़ा ते ठीक हुईग्या।

मरकुस 16:18

जे तुहें जहरीले सर्पां जो पकड़ी लैं, तां तिन्हां तुहांरा कोई नुक्शान नीं करना कने जे तुहें खतरनाक जहर बी पी लैं, तां इसते तुहांरा कोई नुकशान नीं हूणा; तुहां बमाराँ पर हात्थ रखणे, कने तिन्हां ठीक हुई जाणा।”

मरकुस 5:24

फेरी सै अपणयां चेलयां ने तिस सौगी चलीप्या; कने बड्डी भीड़ तिसरे पिछे हुईगी, येत्थी तकौ भई लोक तिसरे नेड़े जाणे खातर तिसजो चऊँ पासयां ते दबाया राँ थे।

मरकुस 6:13

सै बौहत सारी बुरीआत्मां जो लोकां चते कड्डया राँ थे, कने बौहत बमार लोकां पर जैतून रा तेल मल़ीने तिन्हांजो ठीक कित्या।

मरकुस 7:32

तां लोकें इक्की टौणे जो सै जे थत्था बी था यीशुये लौ ल्याईने तिसले अरज किति भई सै ठीक हुई जाओ।

मरकुस 8:23

सै तिस अन्हे रा हात्थ पकड़ीने तिस्सो गाँवां ते बाहर लईग्या, कने तिसरियां आक्खीं पर थुक लाया कने तिस पर हात्थ रक्खया, कने तिसते पुच्छया, “क्या तू किछ देख्यारा?”

लूका 13:13

फेरी यीशुये तिसारे सिरा पर अपणे हाथ रखे, कने सै इकदम सीधी हुईगी कने परमेशरा रा गुणगान कने धन्यवाद करने लगी!

लूका 4:38

फेरी यीशु उट्ठया कने यहूदी सभा घरा ते निकल़णे ते बाद सै शमौना रे घरा जो गया। तित्थी शमौना री सस्सा जो बौहत बुखार आईरा था। कने तिस घरा च रैहणे औल़यां सारयां तिसते बिनती किति भई “इसाजो चंगा करी दे।”

लूका 4:40

संजके जुन्ना ताहली जे सूरज घरने लग्या, सारे लोक सै जे कई किस्मा री बमारियां ते जकड़ोईरे थे, सै सारे मरीजां जो यीशुये ले ली आये, कने तिने हर इक्की-इक्की मरीजा जो तिन्हां पर हत्थ रखीने ठीक कित्या।

लूका 7:12

ताहली जे सै गाँवां रे फाटका पर पुज्जे तां गाँवां रे लोक, इक मुड़दे जो दफनाणे खातर गाँवां ते बाहर लेईने चलीरे थे। सै मरीरा माहणु अपणी मौआ रा इक्को-इक पुत्र था कने तिसरी मौ इक विधवा थी कने गाँवां रे मते लोक तिसा सौगी थे।

यूहन्ना 11:3

इस खातर इस रिये भैणे तिस्सो दस्सीत्या, “हे प्रभु, देख, तिसने जे तुहें प्यार कराँ थे, सै बमार आ।”

प्रेरितां 28:8

पुबलियुस रा पिता बुखार कने खून बगणे रा रोगी था। इस खातर पौलुसे तिसरे कमरे च जाईने प्राथना कित्ती कने तिस परा हाथ रखीने तिस्सो ठीक करित्या।

प्रेरितां 6:6

कने इन्हौं प्रेरितां रे सामणे खड़ा कित्या कने तिन्हें प्राथना करीने इन्हौं सेवकाईया रे कम्मा खातर नियुक्त कित्या।

प्रेरितां 8:17

फेरी पतरस कने यूहन्ने तिन्हांरे सिरा पर हात्थ रखे कने तिन्हें पवित्र आत्मा पाया।

प्रेरितां 9:12

कने तिने इक दर्शणा च देख्या भई हनन्याह नौआं रे इक्की माहणुये घरा च आईने तिस पर हात्थ रखे; ताकि सै फेरी भीं ते देखी सक्को।”

प्रेरितां 9:17

तां हनन्याह उट्ठीने तिस घरा च गया तित्थी जे शाऊल था कने तिस पर अपणा हात्थ रखीने गलाया, “भाई शाऊल, प्रभु यीशु, सै जे तिस रस्ते च, तिसते जे तू आया तिज्जो दुस्या था, तिने इ मिन्जो भेजीरा भई तू फेरी भीं देखणे लगो कने पवित्र आत्मा ते पूरा भरी जाओ।”