मरकुस 4:7 - बिलासपुरी नौआं नियम

⁷ किछ ब्यू येढ़िया जगह च पै तित्थी जे झाड़ियां थिआं, कने झाड़ियें बधीने तिन्हांजो दबाईत्या, कने तिसच फल़ नीं आया।

मरकुस 4:7 ပူးပေါင်းရင်းမြစ်များ

मत्ती 13:22

किछ लोक येढ़े तिन्हांरी बराबरी अहें झाड़ियां औल़िया धरतिया ने करी सक्कां ए, ये सै लोक ये तिन्हें जे परमेशरा रा सन्देश सुणया, सै बौहत सारी चिज़ां रा लालच करीने अमीर हुणे री इच्छा कराँ ये, इस खातर सै सिर्फ इन्हां चिज़ां री चिन्ता कराँ ये; इयां सै परमेशरा रे सन्देशा च अड़चन पाएं कने सै तिसरिया इच्छा पर नीं चली पान्दे।

मत्ती 13:7

किछ ब्यू झाड़ियां च पै कने झाड़ियें बड्डी हुईने सै डाल़ू दब्बी ले।

मत्ती 13:8

पर किछ ब्यू खरिया धरतिया पर पै, कने खरी फसल ल्याये, फसल जितणी जे बाहीरी थी, तिसते कोई सौ गुणा, साठ गुणा, कने तीह गुणा हुई।

मरकुस 4:6

कने तंजे सूरज निकल़या, तां डाल़ू फुखीगे, काँह्भई जड़ कमजोर हुणे रिया वजह ते सै सुकीगे।

मरकुस 4:8

पर किछ ब्यू खरिया धरतिया पर पै, कने सै उगीने सौ गुणा फल़ ल्याया।”

लूका 12:15

फेरी तिन्हें गलाया, “चत्तन होआ! तुहांले सै जे निआं, तिसरा लालच नीं करा। काँह्भई जादा धन-दौलत किसी रिया जिन्दगिया जो नीं बचाई सकदी।”

लूका 21:34

“इस खातर अपणे बारे च सावधान हुई जावा! किति येढ़ा नीं हो भई मौज मस्ती, नशा कने इस संसारा रे फिक्रां ते तुहांरा मन व्यस्त हुईजो, कने माहणुये रे पुत्रा रा दिन अचानक तुहां पर इयां आईजो ताहली जे तुहौं तिसरी आशा नीं हो, तियां जे फन्दा इकदम पशुये जो फसाई लेआं।

लूका 8:14

किछ लोक येढ़े तिन्हांरी बराबरी अहें झाड़ियां औल़िया धरतिया ने करी सक्कां ए, सै जे बचनां जो सुणी ने ग्रहण त कराँ ये, पर जियां जे अग्गे बचनां च बधणे लगां ये तियां इ सै जिन्दगिया रे फिक्राँ च, धन-दौलत कने सुख सुबिदा रिया लालसा च फस्सी जायें तिसते जे तिन्हां रिया आत्मा रा बिकास नीं हुन्दा येढ़यां लोकां री फसल कदीं नीं पकदी।

लूका 8:7

किछ ब्यू बराड़ियां च पै, कने बराड़ियां ने सौगी-सौगी बधे, पर बराड़ियें तिन्हाजो ढक्कील्या।