मरकुस 4:38 - बिलासपुरी नौआं नियम

³⁸ कने सै अप्पूँ किश्तिया रे पिछले हिस्से च गद्दिया पर सिर रक्खीने सुत्तीरा था; फेरी तिन्हें तिस्सो जगाईने गलाया, “गुरू जी, अहें सारे डुबणे औल़े कने तिज्जो कोई चिन्ता नीं!”

मरकुस 4:38 ပူးပေါင်းရင်းမြစ်များ

मत्ती 22:16

तिन्हे अपणे चेले हेरोद राजे रे समर्थकां सौगी यीशुये ले भेज्जे, तिन्हें यीशुये जो गलाया, “गुरू जी, अहें जाणाँ ये भई तू सच्चा, कने तू परमेशरा रा रस्ता सच्चाईया ने सखां, कने कोई क्या सोच्चां तू किसी री परवाह नीं करदा, काँह्भई तू माहणुआं रिया हैसियता पर नीं जान्दा।

मत्ती 8:25

फेरी चेलयां नेड़े आईने तिस्सो जगाया कने गलाया, “हे प्रभु, अहांजो बचा! अहें डुबणे लगीरे।”

मरकुस 4:37

फेरी बड्डा तूफान आया, कने छालियां किश्तिया परा जो येढ़ियां आईयां भई सै पाणिये ने भरने लगी कने डुबणे औल़ी थी।

मरकुस 4:39

तां तिने उठ्ठीने तूफाना जो थिड़क्या, कने पाणिये रियां छालियां जो गलाया, “शान्त रै, रुकी जा!” कने तूफान रुकिग्या कने पूरा चैन हुईग्या;

लूका 8:24

फेरी तिन्हें नेड़े आईने तिस्सो जगाया कने बोलणे लगे, “गुरू जी! गुरू जी! अहें डुबी रायें!” यीशुये उट्ठीने तूफाना जो, कने पाणिये च उठदी लैहराँ जो फटकारया। तिसते बाद तूफान रुकिग्या, कने सब किछ शाँत हुईग्या!

यूहन्ना 4:6

कने याकूबे सै जे खूह बणाया था सै हुण तक तिसा इ जगह पर था। यीशु पैदल चली-चलीने थक्की गरा था इस खातर सै आईने खूआ ले इयां इ बैठिग्या। ये तिस बेले री गल्ल इ ताहली जे तकरीवन दपैहर हुई चुक्कीरे थे।

इब्रानियों 2:17

इस वजह ते मसीह यीशुये जो सब्बीं गल्लां च माणुआं साई बणना जरूरी था; ताकि सारयां रे पापां खातर सै प्रायश्चित बल़ि हुणे रे खातर परमेशरा रे सामणे दयालु कने विश्वास लायक महायाजक बणो।

इब्रानियों 4:15

काँह्भई यीशु मसीह सै जे अहांरा महायाजक आ सै अहां री हरेक कमजोरिया जो समझां; काँह्भई सै सब्बीं गल्लां च अहां साई शैतान्ना रे जरिये परखया गया, पर तिने कोई पाप नीं कित्या।

1 पतरस 5:7

अपणी सारियां चिन्तां जो तिस पर छड्डा, काँह्भई तुहांरी देखभाल सैई कराँ।