मरकुस 4:24 - बिलासपुरी नौआं नियम

²⁴ फेरी तिने तिन्हांने गलाया, “चकन्ने रौआ भई तुहें मेरते क्या सुणां यें? जितने ध्यान्ना ने तुहें सुणगे, उतणी ही जादा समझ तुहांजो दित्ति जाणी वल्कि परमेशरा तुहांजो उसते बी जादा समझ देणी।

मरकुस 4:24 ပူးပေါင်းရင်းမြစ်များ

मत्ती 7:2

काँह्भई जिस तरिके ने तुहें इल्जाम लगां ये, तियां इ परमेशरा तुहांरा बी न्याय करना; कने तियां जे तुहें दुज्जेयां रा न्याय कराँ ये, तियां इ तुहांरा बी न्याय हूणा।”

मरकुस 9:7

फेरी इक्की बद्दल़े तिन्हांजो ढकीत्या, कने परमेशरे बद्दल़ा चते बोल्या, “ये मेरा प्यारा पुत्र आ, इस खातर तुहें इसरी सुणा।”

लूका 8:18

इस खातर, सै जे मेरिया गल्ला जो ध्याना ने सुणां कने समझां, परमेशर तिसजो होर जादा समझणे रे लायक बणां; पर सै जे मेरिया गल्ला जो ध्याना ने नीं सुणदा कने समझदा तिस सै बी भुल्ली जाणा तिसजो जे सै पैहले ते जाणदा हो।”

यूहन्ना 10:16

मेरियां होर बी भेड्डां इयां, सै जे इसा भेडशाला री नीं। मिन्जो सै बी लौणे जरूरी आ। सै मेरी अवाज़ पैहचाण गियां, फेरी सब्बीं रा इक इ झुण्ड कने इक इ गवाल़ा हूणा।

यूहन्ना 10:27

मेरी भेड्डां मेरी अवाज़ ध्याना ने सुणां इयां; हऊँ तिन्हौं जाणाँ, सै मेरे पिच्छे-पिच्छे चलां इयां;

यूहन्ना 5:25

“हऊँ तुहांजो सच्च बोलां भई सै बगत औणे औल़ा बल्कि आई चुक्कीरा, तिसच जे आत्मिक तरिके ने मूईरयां लोकां परमेशरा रे पुत्रा रा यनि मेरा बचन सुणना, कने सै जे सुणगे तिन्हां अनन्त जीवन पाणा।

प्रेरितां 17:11

ये लोक त थिस्सलुनीके नगरा रे यहूदियां ते खरे थे, कने तिन्हें दिल लाईने वचन ग्रहण कित्या, कने हर रोज पवित्रशास्त्रा च टोलदे रै भई ये गल्लां येढ़ियां इ हईयां की नीं।

2 कुरिन्थियों 9:6

इसजो याद रखा, सै जे थोड़ा बाँह, सै थोड़ा इ कटगा; कने सै जे जादा बाँह, सै जादा कट्टां।

इब्रानियों 2:1

इस वजह ते अहांजो तिन्हां गल्लां पर सै जे अहें सुणी रियां, होर बी मन लगाणे री जरूरत इ, ताकि अहें बैहकी ने तिन्हांते दूर चली नीं जाओ।

1 पतरस 2:2

पर तियां जे नये जम्मीरे बच्चे अपणिया मौआ रे असली दुधा खातर तरसां ये तियां इ तुहांजो बी परमेशरा रे वचना जो सिखणे खातर तरसणा चाहिन्दा, ताकि तिसरे जरिये पूरे तरिके ने छुटकारा पाणे खातर तुहें बधदे जाओ।

1 यूहन्ना 4:1

मेरे प्यारे मित्रो, हर किसी आत्मा रा विश्वास मता करदे, पर हमेशा तिन्हारी परख करीने देक्खा भई क्या सै परमेशरा रिया तरफा ते आ कि नीं? ये हऊँ तुहांजो इस खातर गलाईराँ काँह्भई मते सारे झूट्ठे भविष्यवक्ता इस संसारा च फैलीरे।