मरकुस 2:2 - बिलासपुरी नौआं नियम

² फेरी इतणे लोक कट्ठे हुईगे भई दरवाजे ते बाहर बी जगह नीं थी; कने सै तिन्हांजो परमेशरा रा वचन सुणाया राँ था।

मरकुस 2:2 ပူးပေါင်းရင်းမြစ်များ

मत्ती 5:2

कने यीशुये तिन्हांजो ये उपदेश देणा शुरु कित्या:

मरकुस 1:14

किछ वगता ते बाद राजा हरोदेशे यूहन्ने जो पकड़ीने जेल्ला च पाया, इसते बाद यीशु गलील प्रदेशा च आया तित्थी तिने परमेशरा रिया खुशखबरिया रा प्रचार कित्या,

मरकुस 1:33

कने तिस नगरा रे मते सारे लोक दरवाजे रे सामणे कट्ठे हुईगरे थे।

मरकुस 1:37

ताहली जे तिन्हांजो यीशु मिलीग्या, तां तिन्हें बोल्या, भई “गाँवां रे बौहत सारे लोक तिज्जो टोल़या रायें।”

मरकुस 1:45

तिसते बाद तिने सब्बीं लोकां जो दस्सीत्या भई यीशुये कियाँ तिस्सो रोगा ते ठीक कित्या, इस खातर यीशु लोकां रे सामणे गाँवां च नीं जाई सक्कया। तां सै गाँवां ते बाहर सुनसान जगह च रैहणे लगया, पर लोक तिस इलाके रे चऊँ पासयां ते तिसला जो औंदे रै।

मरकुस 2:1

किछ दिनां ते बाद, ताहली जे फेरी यीशु कफरनहूम नगरा च आया, लोकें ये खबर इकदम फैलाईती भई यीशु घरें आ।

मरकुस 2:13

यीशु इक बार भीं कफरनहूम नगरा ते गलील दरयावा रे कनारे गया। बौहत सारे लोक तिसले आए, कने सै तिन्हांजो परमेशरा रा सन्देश देणे लगया।

मरकुस 6:34

ताहली जे यीशु किश्तिया ते उतरया, तिने इक बौहत बड्डी भीड़ देक्खी, कने तिन्हां पर तिस्सो तरस आया, काँह्भई सै तिन्हां भेड्डां साई थे, तिन्हांरा जे कोई रखवाल़ा नीं हो; सै तिन्हांजो परमेशरा रे राज्जा री बौहत सारी गल्लां सिखाणे लगया।

लूका 12:1

इतणे च ताहली जे हजाराँ रे हसाबे लोक कट्ठे हुईगे, येत्थी तक भई लोक इक्की दुज्जे जो धक्का मुक्की करने लगे, तां यीशु सब्बींते पैहले अपणे चेलयां खा मुड़या कने बोलणे लगया, “फरीसियां रे मलेड़े ते यनि तिन्हांरे दिखावटी कम्मां ते अप्पूँजो बचाईने रक्खा।

लूका 5:17

इक दिन ताहली जे यीशु बचनां री शिक्षा देईराँ था, तां किछ फरीसी कने व्यवस्थापक बी ऊथी बैठिरे थे, ये लोक गलील कने यहूदिया प्रदेशा रे हर इक गाँवां ते कने यरूशलेम नगरा ते आईरे थे काँह्भई चंगा करने औल़ी प्रभुरी सामर्थ यीशुये सौगी थी।

लूका 8:1

इन्हां गल्लां ते बाद यीशु कने तिसरे बारा चेले नगर-नगर कने गाँवां-गाँवां जाईने लोकां जो परमेशरा रे राज्जा री खुशखबरिया रा प्रचार करदे रै।

लूका 8:11

“कहाणियां रा मतलब येआ : ब्यूआ त परमेशरा रा बचन आ।

प्रेरितां 11:19

स्तिफनुस रे मारे जाणे ते बाद बौहत सारे विश्वासी लोक यरूशलेम छड्डिने बिखरी गरे थे कने फिरदे-फिरदे फीनीके प्रदेश कने साइप्रस टापुये कने अन्ताकिया नगरा च पुज्जे; पर यहूदियां जो छड्डिने किसी होरी जो परमेशरा रा वचन नीं सुणांदे थे।

प्रेरितां 14:25

फेरी पिरगा नगरा च वचन सुणाईने अत्तलिया नगरा च आये,

प्रेरितां 16:6

सै फ्रूगिया कने गलातिया प्रदेशा चते हुईने गये, काँह्भई पवित्र आत्मे तिन्हांजो आसिया प्रदेशा च वचन सुनाणे ते मना कित्या।

प्रेरितां 8:25

इस खातर सै गवाही देईने कने प्रभुये रा वचन सुणाईने यरूशलेम नगरा जो वापस हुन्दे वगत, तिन्हें सामरिया प्रदेशा रे कई गाँवां च खुशखबरी सुणाई।

रोमियो 10:8

पर पवित्रशास्त्र ये बोल्लां, “परमेशरा रा बचन तेरे नेड़े आ, तेरे मुँआं पर आ कने तेरे मना चा,” ये सै वचन आ, सै जे अहांजो परमेशरा पर विश्वास करने रे बारे च बोलां, तिसरा जे अहें प्रचार कराँ ये।

2 तिमुथियुस 4:2

भई तू परमेशरा रे वचना रा प्रचार कर हालात चाये ठीक हो या नीं हो वचन प्रचार करने खातर त्यार रै। तिज्जो लोकां जो ये दसणा जरूरी आ भई तिन्हें क्या गल़ती कित्तिरी कने तू तिन्हांरे पापां रे खातर तिन्हौं डान्ट। पर तिज्जो लोकां जो हौंसला बी देणा चाहिन्दा तियां जे तू धीरजा ने तिन्हांजो शिक्षा देआं।