मरकुस 16:6 - बिलासपुरी नौआं नियम

⁶ तिने तिन्हांने बोल्या, “हैरान मत हुंदियां, तुहें यीशु नासरिये जो टोल़ां इयां, सै जे क्रूसा पर चढ़ाया था। सै जिऊंदा हुईगरा, येत्थी निआं; देक्खा, ये सैई जगह इ, तित्थी जे तिन्हें तिस्सो रखीरा था।

मरकुस 16:6 ပူးပေါင်းရင်းမြစ်များ

मत्ती 12:40

कने तियां जे योना तिन्न दिन कने तिन्न रात तिस समुद्री जीबा रे पेट्टा च रैया था, तियां इ माहणुये रे पुत्रा यनि मांज बी तिन्न दिन तिन्न रात कब्रा़ रे अन्दर रैहणा।

मरकुस 1:24

तिने चिल्लाई ने गलाया, “हे यीशु नासरी, अहांजो तेरते क्या काम्म आ? क्या तू अहांरा नाश करने आईरा? हऊँ तिज्जो जाणाँ, भई तू कुण आ, तू परमेशरा रा पवित्र पुत्र आ!”

मरकुस 1:27

येढ़ा देखीने यहूदी सभा घरा रे लोक बड़े हैरान हुये कने अप्पूँ चियें गलाणे लगे, “ये क्या गल्ल इ? ये कोई नौआं उपदेश आ! ये तां अधिकारा ने बुरीआत्मां जो बी हुक्म देआं, कने सै तिसरे हुक्मां जो मन्नां ये।”

मरकुस 10:34

तिन्हां मेरा मजाक बनाणा, माह पर थुकणा, मिन्जो कोड़े मारने कने जानी ते मारना, फेरी तिन्नां दिनां ते बाद मांह जिऊंदे हुई जाणा।”

मरकुस 14:33

कने सै पतरस, याकूब कने यूहन्ना जो अप्पूँ सौगी लईग्या; कने सै बौहत इ जादा परेशान हुणे लगया,

मरकुस 9:15

तियां जे सारयां लोकें यीशुये जो देख्या, तां सै बौहत हैरान हुणे लगे, कने तिस खौ दौड़ीने तिस्सो मत्था टेकणा कित्या।

लूका 24:46

कने तिने तिन्हांने बोल्या, “पवित्रशास्त्रा च ये लिखिरा; भई मसीहे दुख सैहणा कने तिज्जे दिन मूईरयां चते जिऊंदे हूणा,

प्रेरितां 2:24

पर तिस्सो इ परमेशरे मौता रे बन्धना ते छुड़ाईने ज्यूंदा कित्या; काँह्भई ये कदीं मनी हुई सकदा था भई सै तिसरे बशा च रैहंदा।

प्रेरितां 4:10

तां तुहें सब होर सारे इस्राएली लोक जाणी लो भई नासरत रा रैहणे औल़े यीशु मसीह रे नौआं ते कित्या गैईरा। तिस यीशुये जो जे तुहें क्रूसा पर चढ़ाया था, पर परमेशरे तिसजो मूईरेयां चते ज्यूंदा कित्या। आज तिसरे इ नौआं रे जरिये ये माहणु तुहांरे सामणे भला-चंगा खढ़िरा।