मरकुस 16:18 - बिलासपुरी नौआं नियम

¹⁸ जे तुहें जहरीले सर्पां जो पकड़ी लैं, तां तिन्हां तुहांरा कोई नुक्शान नीं करना कने जे तुहें खतरनाक जहर बी पी लैं, तां इसते तुहांरा कोई नुकशान नीं हूणा; तुहां बमाराँ पर हात्थ रखणे, कने तिन्हां ठीक हुई जाणा।”

मरकुस 16:18 ပူးပေါင်းရင်းမြစ်များ

मरकुस 5:23

कने तिने येढ़ा बोलीने यीशुये ते बौहत अरज कित्ती, “मेरी छोट्टी कुड़ी मरने इ औल़ी : इस खातर तुहें मेरे घरें आईने तिसा पर हात्थ रक्खा भई सै ठीक हुईने जिऊंदी रौ।”

लूका 10:19

देक्खा, मैं तुहांजो सर्पां कने बिच्छुआं पर चलीने बी सुरक्षित रैहणे रा, कने दुश्मणां जो हराणे रा अधिकार देई दित्या; कने तुहांजो किसी बी चीज़ा ते कोई बी नुक्शान नीं हुई सकदा।

प्रेरितां 19:12

येत्थी तका भई रमाल कने पुआरने तिसरे शरीरा ने छुआई ने बमाराँ पर सट्टां थे, कने तिन्हांरियां बमारियां चली जां थिआं; कने बुरीआत्मां तिन्हां चते निकल़ी जां थिआं।

प्रेरितां 3:12

येढ़ा देखीने पतरसे लोकां जो गलाया, “इस्राएली लोको, तुहें इस माहणुये पर हैरान काँह हुये रायें? कने अहां खौ इयां काँह देख्या रायें। क्या तुहें येढ़ा सोच्चया राँये भई अहें इ अपणिया शक्तिया या भगतिया ते इस्सो चलने-फिरने लायक बणाया?

प्रेरितां 3:16

कने तिस विश्वासा ते सै जे यीशु मसीह रिया वजह ने, इस माहणुये जो तिस्सो जे तुहें जाणाँ ये कने तिस्सो जे तुहें इस वगत बी देख्या राँये, सामर्थ दित्ति गैईरी। सै माहणु यीशुये रे नौआं च कने यीशु मसीह च विश्वासा रे जरिये विल्कुल ठीक-ठाक हुईरा तियां जे भई तुहें अप्पूँ खुद देखी सक्कां ये।

प्रेरितां 4:10

तां तुहें सब होर सारे इस्राएली लोक जाणी लो भई नासरत रा रैहणे औल़े यीशु मसीह रे नौआं ते कित्या गैईरा। तिस यीशुये जो जे तुहें क्रूसा पर चढ़ाया था, पर परमेशरे तिसजो मूईरेयां चते ज्यूंदा कित्या। आज तिसरे इ नौआं रे जरिये ये माहणु तुहांरे सामणे भला-चंगा खढ़िरा।

प्रेरितां 4:22

सै माहणु, तिस पर जे ठीक करने रा चमत्कारी नशाण दस्या था, चाल़ियां साल्लां ते जादा उम्रा रा था।

प्रेरितां 4:30

चंगा करने खातर तू अपणा हाथ अग्गे कर भई चमत्कारी नशाण कने हैरान करने औल़े काम्म तेरे पवित्र दास यीशुये रे नौआं ते कित्ते जाओ।”

प्रेरितां 9:34

पतरसे तिस्सो गलाया, “ओ एनियास! यीशु मसीह तिज्जो ठीक कराँ। उट्ठ, कने अपणे बिस्तरे जो कठेर।” तां सै झटपट उट्ठीने खड़ा हुई गया।

रोमियो 16:20

शान्तिया रे परमेशरा बौहत जल़द शैतान्ना जो तुहांरे पैराँ हेठ कुचल़ी देणा। अहांरे प्रभु यीशु मसीह रा अनुग्रह तुहां सौगी रौ।

1 कुरिन्थियों 12:9

किसी जो तिसा आत्मा ते विश्वास, कने किसी जो तिसा इ इक्की आत्मा ते चंगा करने रा वरदान मिलां।