मरकुस 16:17 - बिलासपुरी नौआं नियम

¹⁷ कने विश्वासियां जो चमत्कार करने री सामर्थ दित्ति जाणी भई तिन्हां मेरे नौआं ते बुरीआत्मा जो बाहर कडणा; तिन्हां सै भाषा बोलणी सै जे तिन्हें कदीं सिक्खी री नीं हूणी;

मरकुस 16:17 ပူးပေါင်းရင်းမြစ်များ

मरकुस 9:38

फेरी यूहन्ने तिसने बोल्या, “गुरू, अहें इक्की माहणुये जो तेरे नौंवां ते बुरीआत्मां जो निकाल़दे देख्या कने अहें तिस्सो मना करने लगे, काँह्भई सै अहां साई चेलयां चते नीं था।”

लूका 10:17

जिस बगत यीशुये रे बहत्तर चेले अपणी सेवा री यात्रा ते मौज मनांदे हुये वापस आईगे, तां यीशुये ने बोलणे लगे “प्रभु, जिस बगत अहें तुहांरे नौआं रा इस्तेमाल कराँ ये, तां बुरीआत्मायें बी अहांरा कैहणां मन्नां इयां।”

यूहन्ना 14:12

हऊँ तुहांजो सच-सच बोलां, जो कोई माह पर विश्वास करगा तिस सै काम्म करने, तिन्हांजे हऊँ कराँ, इन्हां कम्मां ते बी बधीने तिस बड्डे-बड्डे काम्म करने काँह्भई हऊँ पिता लौ जाय राँ।

प्रेरितां 10:46

काँह्भई तिन्हें तिन्हांजो लग-लग भाषा बोलदे कने परमेशरा री बडयाई करदे सुणया। इस पर पतरसे गलाया,

प्रेरितां 16:18

सै बौहत दिनां तका येढ़ा इ करदी रई; पर पौलुस दुखी हुआ, कने मुड़ीने तिसा बुरीआत्मा जो गलाया, “हऊँ यीशु मसीह रे नौआं ते हुक्म देआं भई इसा चते निकल़ी जा।” कने सै तिस इ बगता निकल़ीगी।

प्रेरितां 19:6

ताहली जे पौलुसे तिन्हांरे सिरा पर हाथ रखे, तां पवित्र आत्मा तिन्हां परा उतरया, कने सै होर-होर भाषा बोलणे कने भविष्यवाणी करने लगे।

प्रेरितां 2:33

इयां इ परमेशरा रे सज्जे हत्था ते सब्बींते ऊच्ची जगह पाईने, कने पिता ते सै पवित्र आत्मा पाईने तिसरी प्रतिज्ञा जे कित्तिरी थी, तिने ये भेज्जी दित्तिरा सै जे तुहें देख्या कने सुणया रायें।

प्रेरितां 5:16

यरूशलेम रे आसे-पासे रे नगराँ ते बौहत लोक बमाराँ कने बुरीआत्मा रे सताई रयां जो ल्याई-ल्याईने, कट्ठे हुआं थे, कने सब ठीक करी दित्ते जां थे।

प्रेरितां 8:7

काँह्भई ताहली जे फिलिप्पुस बुरीआत्मा जो हुक्म देआं था, तां बुरीआत्मा बौहतां चते बडिया अवाज़ा च रड़ांदियां निकल़ी गईयां, कने बौहत लकवे रे रोगी कने लंगड़े बी ठीक हुये;

1 कुरिन्थियों 12:10

फेरी किसी जो सामर्था रे काम्म करने री ताकत, किसी जो भविष्यवाणी, किसी जो आत्मां री परख, किसी जो कई प्रकारा रियां भाषां बोलणे जो, कने किसी जो भाषां रा मतलब दसणा।

1 कुरिन्थियों 12:28

कने परमेशरे कलीसिया च लग-लग माहणु नियुक्त कित्तिरे : पैहले प्रेरित, दुज्जे भविष्यवक्ता, तिज्जे सखाणे औल़े, फेरी सामर्था रा काम्म करने औल़े, चंगा करने औल़े, मदद करने औल़े, प्रबन्ध करने औल़े, लग-लग किस्मा री भाषायें बोलणे औल़े।

1 कुरिन्थियों 12:30

क्या सब्बीं जो चंगा करने रा वरदान मिलया? क्या सारे कईयां किस्मा री भाषां बोलां यें?

1 कुरिन्थियों 13:1

जे हऊँ माहणुआं कने स्वर्गदूतां री बोलियां बोलूं कने प्यार नीं रखूं, तां मेरी गल्ल ठनठनांदा पीतल, कने झनझनांदी हुई झांझरा साई हूणी।

1 कुरिन्थियों 14:2

काँह्भई सै जे होरीं-होरीं भाषा च गल्लां कराँ सै माहणुआं ने नीं पर परमेशरा ने गल्लां कराँ; इस खातर भई तिसरियां गल्लां कोई नीं समझदा, काँह्भई सै भेता रियां गल्लां आत्मा च हुईने बोलां।