मरकुस 15:43 - बिलासपुरी नौआं नियम

⁴³ तां अरमतिया रा रैहणे औल़ा यूसुफ आया, सै जे महासभा रे ईज्ज़तदार औहदे पर था कने अप्पूँ बी परमेशरा जो तिसरे राज्जा च इक राजे साई देखणे रे इन्तजारा च था। सै हिम्मत करीने पिलातुसा ले गया कने दफनाणे खातर यीशुये री लाश मंगी।

मरकुस 15:43 ပူးပေါင်းရင်းမြစ်များ

मत्ती 19:30

पर बौहत सारे सै जे अप्पूँजो खास समझां ये, हुण सै खास नीं रैहणे; कने सै जे खास नीं समझे जायें, सै औणे औल़े बगता च बौहत खास हुई जाणे।

मत्ती 20:16

इस तरिके ने सै जे अप्पूँजो खास समझां ये, हुण सै खास नीं रैहणे, कने सै जे खास नीं समझे जायें, सै औणे औल़े वगता च बौहत खास समझे जाणे।

मत्ती 27:57

संजके जुन्ना अरिमतियाह नगरा ते यूसुफ नौआं रा इक सेठ आया, सै खुद इ यीशुये रा चेला बणी गरा था।

मरकुस 14:54

पतरस दूरा-दूरा ते तिसरे पिछे-पिछे महायाजका रे अंगणा रे अन्दरा तक गया, कने पैहरेदाराँ सौगी बैठीने आग्ग सेकणे लगया।

मरकुस 15:44

पिलातुसा जो हैरानी हुई भई सै इतणे छोड़े मरीग्या; कने तिने सुबेदारा जो सद्दीने पुच्छया, “क्या यीशु सच्चीजो मरी चुक्कीरा?”

लूका 2:25

तिस वगत यरूशलेम नगरा च शमौन नौआं रा इक माहणु था। कने सै परमेशरा जो मनणे औल़ा कने तिसरा भगत था; सै जे इस्राएल जो शान्ति दवाणे खातर मसीह रा इन्तजार करया राँ था, कने पवित्र आत्मा तिस सौगी था।

लूका 2:38

ताहली जे शमौन, मरियम कने यूसुफा ने गल्ल-बात करी रां था, तिस बगत हन्नाह बी ऊथी पुज्जी कने परमेशरा री स्तुति करने लगी। फेरी तिसे जाईने तिन्हां सारयां जो यीशुये रे बारे च दस्या, सै जे तिस राजे री निहाल़पा च थे, कने सै आईने यरूशलेम नगरा जो छडवाणे औल़ा था।

लूका 23:50

ऊथी यूसुफ नौआं रा इक भला कने धर्मी माहणु था, सै जे यहूदी पंचैती रा इक सदस्य था।

लूका 23:51

सै तिन्हारे फैसले कने कार्यवाईया ते सहमत नीं था, सै यहूदियां रे इक नगर अरिमतियाह रा निवासी था कने परमेशरा रे राज्जा रे औणे रा इन्तजार करीराँ था।

यूहन्ना 19:38

इसते बाद अरिमतियाह गाँवां रे यूसुफे सै जे यीशुये रा चेला था, (पर यहूदी अगुवेयां रे डरा ते इसा गल्ला जो लुकोई रक्खां था) तिने पिलातुसा ते विनती किति, भई यीशुये रिया लाशा जो तित्थी ते नेणे रा हुक्म देओ। पिलातुसे तिस्सो इजाजत दईती, कने सै तित्थी आईने तिसरिया लाशा जो लईग्या।

प्रेरितां 13:50

पर यहूदी अगुवेयां भगत कने कुलीन जनानां जो कने नगरा रे ताकतवर लोकां जो भड़काया, कने पौलुसा कने बरनबासा रे बरोधा च उपद्रव कराई ने तिन्हांजो अपणिया सीमा ते कड्डित्या।

प्रेरितां 17:12

इस खातर यूनानी जनाना चते बौहतीं, कने कुलीन जनानां चते कने माहणुआं चते बौहतीं विश्वास कित्या।

फिलिप्पियां 1:14

कने प्रभु च सै जे विश्वासी ये, तिन्हां चते जादातर विश्वासियां जो मेरे कैद हुणे रिया वजह ने बड़ा जोश आया, कने जादा ते जादा जोशा ने परमेशरा रा वचन निधड़क हुईने सुणाई रायें।