मरकुस 14:41 - बिलासपुरी नौआं नियम

⁴¹ फेरी सै तिज्जी बार प्राथना करने गया कने वापस आईने गलाया, “तुहें हुण बी सैईने आराम करी रायें? बस! वगत आई चुक्कीरा! देक्खा माहणुये रा पुत्र यनि हऊँ पापियां रे हात्था च पकड़वाया जाणा।

मरकुस 14:41 ပူးပေါင်းရင်းမြစ်များ

मत्ती 26:2

“तुहें लोक जाणाँ ये भई दुईं दिनां बाद फसह रा त्योहार आ, कने माहणुये रा पुत्र क्रूसा पर चढ़ाये जाणे खातर पकड़वाया जाणा।”

मरकुस 14:10

फिर यहूदा इस्करियोति सै जे बाराँ चेलयां चते इक था, तिने मुखियायाजकां ले जाईने बोल्या भई यीशुये जो पकड़वाणे च हऊँ तुहांरी सहायता करगा।

मरकुस 14:18

तंजे सै रोटी खाया राँ थे, तां यीशुये गलाया, “हऊँ तुहांजो सच बोलां भई तुहां चते इक्की, सै जे मेरने सौगी रोटी खाया रां, मिन्जो पकड़वाणा।”

मरकुस 14:35

फेरी सै थोड़ा अग्गे बधीने, धरतिया पर गोडयां रे भार प्राथना करने लगया, भई जे हुई सक्को तां दुखा री ये घड़ी मेरे परा ते, टल़ी जाओ,

मरकुस 14:40

कने फेरी आईने तिन्हां तिन्नां जो सुत्तीरा देख्या, काँह्भई तिन्हांरियां आक्खीं च निन्द इतणी जादा थी भई सै आक्खीं खोल्ही नीं पाया राँ थे : कने नीं जाणदे थे भई तिस्सो क्या जवाब दईये।

मरकुस 14:42

उट्ठा, चला! देक्खा, मेरे पकड़वाणे औल़ा नेड़े आई गरा!”

मरकुस 7:9

यीशुये तिन्हांजो गलाया, “तुहें अपणियां रितियां जो मनणे खातर बड़िया चलाकिया ने परमेशरा रे हुक्मा जो तोड़ां ये!

मरकुस 9:31

काँह्भई सै अपणयां चेलयां सौगी जादा वगत बिताणा कने तिन्हांजो सखाणा चाँह था। यीशुये तिन्हांजो बोल्या, “माहणुये रे पुत्रा यनि मिन्जो माहणुआं रे हात्था च पकड़वाया जाणा, कने तिन्हां मिन्जो मारी देणा; कने मांह मरने ते बाद तिज्जे दिन जी उठणा।”

यूहन्ना 12:23

पर यीशुये तिन्हांजो बोल्या, “सै वगत आई गरा भई माहणुये रे पुत्रा री महिमा हो।

यूहन्ना 12:27

“हुण मेरा जी घबराया राँ। इस खातर हुण हऊँ क्या बोलूं? ‘हे पिता, मिन्जो इस दुखा रिया घड़िया ते बचा?’ काँह्भई हऊँ इस इ वजह ते इस संसारा च आया ताकि दुख सहूँ।

यूहन्ना 17:1

यीशु अपणे चेलयां ने ये गल्लां बोलणे ते बाद, स्वर्गा खौ देखीने गलाणे लगया, “मेरे पिता सै वगत आईगरा अपणे पुत्रा री महिमा कर, इस खातर भई पुत्रा रे जरिये तेरी महिमा हो।

यूहन्ना 7:30

तिसरिया इसा गल्ला पर सै यीशुये जो गिरफ्तार करना चाहया, पर कोई बी तिसजो हात्थ नीं पाई सक्कया, काँह्भई तिसरा बगत हल्तियें नीं आईरा था।

यूहन्ना 8:20

ये गल्लां तिने मन्दरा रे अंगणा च उपदेश देन्दे हुये भण्डार घरा च बोल्ली, कने किन्हिये बी तिस्सो नीं पकड़या, काँह्भई तिसरे दुख सैहणे कने मरने रा बगत हल्तियें नीं आईरा था।

प्रेरितां 7:52

भविष्यवक्तयां चते किस्सो तुहांरे पूर्वजें नीं सताया? तिन्हें तिस मसीहे रे औणे रा पुराणे बगता ते सन्देश देणे औल़यां जो मारीत्या; कने हुण तुहें बी तिसरे पकड़वाणे औल़े कने मारने औल़े बणे।