मरकुस 14:21 - बिलासपुरी नौआं नियम

²¹ काँह्भई माहणुये रा पुत्र यनि हऊँ त मरने इ औल़ा, तियां जे पवित्र शास्त्रा च भविष्यवक्तयां मेरे बारे च दस्सीरा, पर तिस माहणुये जो बौहत भयानक सजा मिलणी तिस जे माहणुये रे पुत्रा जो यनि मिन्जो पकड़वाणा! जे तिस माहणुये रा जन्म इ नीं हुईरा हुंदा, तां तिस खातर भला हुंदा।”

मरकुस 14:21 ပူးပေါင်းရင်းမြစ်များ

मत्ती 26:54

पर जे हऊँ येढ़ा करूँ तां पवित्रशास्त्रा च लिखी रियां ये गल्लां कियां पूरी हुणियां, भई सारा किछ इयां इ हूणा जरूरी आ?”

मत्ती 26:56

पर ये सब किछ इस खातर हुया भई भविष्यवक्तयां रा लिखिरा पूरा ओ।” फेरी तिसरे सारे चेले तिस्सो छड्डिने नट्ठीये।

मरकुस 14:20

यीशुये चेलयां ने बोल्या, “सै बारा चेलयां चते इक आ सै जे मेरने सौगी मेरे कटोरे च रोटी डुबोईराँ।

मरकुस 14:22

तंजे सै खाया राँ थे, यीशुये रोटी लई, कने परमेशरा रा धन्यवाद कित्या, फेरी तिने रोटिया रे कई टुकड़े करीने अपणे चेलयां जो दित्ते, कने तिन्हाजो गलाया, “ये रोटी लेईने खाओ, ये मेरी देह इ।”

मरकुस 14:49

हऊँ त हर दिन मन्दरा रे अंगणा च तुहां सौगी इ उपदेश देआं था, कने तां तुहें मिन्जो नीं पकड़या : पर ये इस खातर हुआ भई पवित्रशास्त्रा च जो किछ लिखिरा सै पूरा हुई सक्को।”

लूका 22:22

माहणुये रे पुत्रा जो त परमेशरा रिया योजना रे मुतावक मरना इ हाया, पर लाणत इ तिस माहणुये पर तिस जे सै पकड़वाणा!”

लूका 24:44

फेरी यीशुये गलाया, “ताहली जे हऊँ तुहांजो इ था, तिस वगत मैं तुहांजो गलाया था भई मूसा री व्यवस्था कने भविष्यवक्तयां रियां कतावां च कने भजन संहिता च मेरे बारे च सै जे लिखिरा, सै सारी गल्लां पूरियां हुणियां।”

यूहन्ना 19:28

इसते बाद तंजे यीशुये जो पता लगीग्या भई तिसरा सारा काम्म पूरा हुईग्या, इसी खातर बी भई पवित्रशास्त्रा री गल्ल पूरी हो तिने बोल्या, मिन्जो ध्याय लगीरी,

प्रेरितां 1:25

भई सै इस सेवकाईया कने प्रेरिताईया रा औहदा लओ, तिस्सो जे यहूदा मरने ते बाद छड्डिने तित्थी जो गया तित्थी जो जे जाणे रे लायक था।”

प्रेरितां 2:23

तिस यीशुये जो, सै जे परमेशरा री बणाई रिया योजना कने पैहले रे ज्ञाना रे मुतावक पकड़वाया गया, तुहें अर्धमियां रे हत्था ते तिस्सो क्रूसा पर चढ़वाई ने मारी दित्या।

प्रेरितां 4:27

“काँह्भई सचमुच तेरे सेवक यीशुये रे बरोधा च, तिस राजे तैं अभिषेक कित्या, हेरोदेस कने पुन्तियुस पिलातुस बी अन्यजातियां कने इस्राएलियां ने सौगी इस नगरा च कट्ठे हुये,