मरकुस 14:18 - बिलासपुरी नौआं नियम

¹⁸ तंजे सै रोटी खाया राँ थे, तां यीशुये गलाया, “हऊँ तुहांजो सच बोलां भई तुहां चते इक्की, सै जे मेरने सौगी रोटी खाया रां, मिन्जो पकड़वाणा।”

मरकुस 14:18 ပူးပေါင်းရင်းမြစ်များ

मत्ती 26:21

ताहली जे सै रोटी खाईराँ थे तां तिने गलाया, “हऊँ सच-सच बोलां भई तुहां चते इक्की हऊँ धोखे ने पकड़वाणा।”

मत्ती 5:18

काँह्भई हऊँ तुहांजो सच्च बोलां, भई तदुआं तक जे अकाश कने धरती टल़ी नीं जाओ, तदुआं तक व्यवस्था ते इक मात्रा या बिन्दु बी बिणा पूरा हुये नीं टल़णा।

मत्ती 6:16

“ताहली जे तुहें उपवास करो, तां तुहांरे मुँह कपटियां साई उदास नीं हुणे चाहिन्दे, काँह्भई सै अपणा मुँह बणाईने रखां ये, ताकि सै लोकां जो जतलाई सक्को भई अहें उपवास करी रायें। हऊँ तुहांजो सच्च बोलां भई सै अपणा ईनाम पाई बैट्ठे।

मत्ती 6:2

“इस खातर खबरदार ताहली जे तुहें किसी गरीबा जो दान दें, तां इसरा किसी माहणुये जो पता नीं चलो, तियां जे यहूदी सभा घरा च, कने गलियां च कपटी लोक होरीं ते प्रशंसा पाणे रे खातर कराँ ये। हऊँ तुहांजो सच्च बोलां भई तिन्हांजो लोकां ते इसरा पूरा ईनाम प्रशंसा ही मिलया।

मत्ती 6:5

“ताहली जे तुहें प्राथना करो तां कपटियां साई मत करा, काँह्भई सै यहूदी सभा घराँ च कने सड़कां रे मोड़ां पर खड़ीने प्राथना करना चाँये ताकि लोक तिन्हांजो देखीने तिन्हांरी बडयाई करी सक्को। हऊँ तुहांजो सच्च बोलां भई तिन्हांजो इसरा ईनाम सैई बडयाई मिली।

मरकुस 10:15

हऊँ तुहांजो सच्च बोलां भई सै जे कोई परमेशरा जो अपणे राजे रे रुपा च बच्चयां साई ग्रहण नीं करो, तां परमेशरा तिन्हां पर राज करने जो सैहमत नीं हूणा।”

मरकुस 10:29

यीशुये जवाब दित्या, “हऊँ तुहांजो सच बोलां भई तिने जे, मेरा चेला बणने कने मेरिया खुशखबरिया जो सुनाणे रे खातर, अपणा घर बार, भाईयां, बैहणां, माता या पिता, बाल-बच्चयां, या खेतां जो छड्डीत्या हो,

मरकुस 14:17

तंजे सांझ हुई तां यीशु बारा चेलयां सौगी आया।

मरकुस 14:19

चेलेयां पर उदासी छाईगी कने सै इक-इक करीने यीशुये ते पुछणे लगे, “क्या सै हऊँ आ?”

मरकुस 14:25

हऊँ तुहांजो सच बोलां, भई अँगूरी रस तिस दिना तकौ इयां फेरी कदीं नीं पीणा; तदुआं तकौ जे इक राजे साई राज करना नीं शुरु करी देंगा।”

मरकुस 14:9

हऊँ तुहांजो सच बोलां भई सारे संसारा च तित्थी जे मसीह री खुशखबरी प्रचार कित्ती जाणी, तित्थी तिसारे इस कम्मां री चर्चा बी इसा रिया यादा च कित्ती जाणी।”

मरकुस 3:28

हऊँ तुहांजो सच-सच बोलां, भई माहणुआं रिया औलादा रे सारे पाप कने निंध्या तिन्हांजो जे सै कराँ ये, परमेशरा माफ करी देणे; जे सै पश्चाताप करगे,

मरकुस 6:11

तिसा जगह रे लोक जे तुहांरा स्वागत नीं करो कने तुहांरी नीं सुणो, तां तिसा जगह ते निकल़दे इ अपणे जोड़यां री मिट्टी बी झाड़ी देओं, ये तिस नगरा रे लोकां रे खातर चेतावनी हूणी भई परमेशरा तिन्हांरा न्याय करना।”

मरकुस 8:12

तिने आह! भरी ने गलाया, “इसा पीढ़िया रे लोकां जो कोई नशाण नीं दित्या जाणा।”

मरकुस 9:1

फेरी यीशुये अपणयां चेलेयां जो गलाया, “हऊँ तुहांजो सच बोलां भई तुहां चते किछ लोक सै जे येत्थी खढ़िरे, तदुआं तक नीं मरना, तदुआं तक जे परमेशरा जो सामर्था सौगी राज करदे हुए नीं देक्खी लो।”

मरकुस 9:41

हऊँ तुहांने सच्च बोलां, मसीह रे पिछे चलने रिया वजह ते, जे कोई तुहांरी थोड़ी जेई मदद बी करो तियां जे पाणी प्याणा, तां तिन्हांजो परमेशरा जरूर ईनाम देणा।”

लूका 11:51

हाबिल रिया मौती ते लेईने जकर्याह री मौती तक, तिन्हारा खून जे परमेशरा जो अर्पण करने री बेदी कने परमेशरा रे मन्दरा रे बिच हुया, इन्हां सब्बीं रे खातर इसा पीढ़ियां रे लोकां जोई इसरा लेखा-जोखा देणे पौणा।

लूका 22:21

पर इस मेचा पर अहां च इक येढ़ा माहणु बैठिरा, तिस जे हऊँ पकड़वाणा।

लूका 4:24

पर हऊँ तुहांजो सच्ची गल्ल दस्सां भई कोई बी भविष्यवक्ता अपणे देशा च आदर नीं पान्दा।”

यूहन्ना 1:51

यीशुये तिसने भीं गलाया, “हऊँ तेरने सच्च बोलां भई तूं स्वर्गा जो खुलदे कने परमेशरा रे दूतां जो माहणुये रे पुत्रा यनि मेरे ऊपर उतरदे कने ऊपर जान्दे देखणा।”

यूहन्ना 13:18

हऊँ तुहां सब्बीं रे बारे च येढ़ा नीं बोल्या करदा; मिन्जो मेरयां चेलयां रा पता, काँह्भई मैं तुहांजो चुणीलरा, पर ये इस खातर हुईरां भई पवित्रशास्त्रा च सै जे लिखिरा सै पूरा हुई जाओ, तिने जे मित्र हुईने मेरे सौगी रोटी खाद्दि सै मेरा दुश्मण बणीग्या।

यूहन्ना 13:21

ताहली जे यीशु ये बोल्ली चुक्कया, फेरी तिसरा मन व्याकुल हुईग्या कने येढ़ा बोलदे हुए अपणे चेलयां जो दस्या, “हऊँ तुहांजो सच-सच बोलां भई तुहां चते इ इक्की मिन्जो धोखा देईने पकड़वाणा।”

यूहन्ना 13:22

चेले मुड़ी-मुड़ीने इक्की दुज्जे खा जो देखणे लगे, भई किस रे बारे च तिस्सो शक आ कने किस रे बारे च सै बोल्या राँ।

यूहन्ना 13:38

यीशुये जवाब दित्या, “क्या मेरे खातर अपणा प्राण देंगा? हऊँ तेरने सच बोलां भई कुकड़ा झांग नीं देणी तदुआं तक जे तूं तिन्न बार मेरा इन्कार नीं करी लेंगा।”

यूहन्ना 21:18

हऊँ तेरने सच्च बोलां, भई ताहली जे तू जवान था, तां तू खुद अपणे लक्का जो बन्हीने तित्थी जे तेरा दिल कराँ तित्थी जो चली जां था। पर ताहली जे तू बुड्डे हुई जाणा, तां तू अपणे हात्थ फैलाणे कने किसी होरी तिज्जो बन्ही लेणा कने तिज्जो उत्थी लेई जाणा तित्थी जे तू जाणा नीं चाहन्गा।

यूहन्ना 3:11

हऊँ तुहांजो सच्च बोलां, भई अहें सै जे जाणाँ ए सैई बोलां ए, कने अहें सै जे देक्खीरा तिसरी ही गवाही दें, कने सै जे अहें बोलां ए तिस पर तुहें विश्वास नीं करदे।

यूहन्ना 3:3

यीशुये तिसजो जबाब दित्या, हऊँ तुहांजो सच्च बोलां, भई कोई बी परमेशरा रे राज्जा जो देक्खी नीं सकदा, तदुआं तक जे सै दोबारा जन्म नीं लौ।

यूहन्ना 3:5

यीशुये तिस्सो जबाब दित्या, “हऊँ तेरने सच्च बोलां, कोई बी परमेशरा रे राज्जा च दाखल नीं हुई सकदा तदुआं तक जे सै पाणिये ते कने आत्मा ते जन्म नीं लौ।

यूहन्ना 5:19

इस पर यीशुये तिन्हांजो गलाया, “हऊँ तुहांजो सच्चाई दस्सां, भई पुत्र यनि हऊँ खुद अपणे आप किछ मनी करी सकदा, सै सिर्फ तियां कराँ तेढ़ा जे सै पिता परमेशरा जो करदे देक्खां; काँह्भई तिन्हां-तिन्हां कम्मां जो जे सै कराँ तिन्हांजो हऊँ पुत्र बी तियां इ कराँ।

यूहन्ना 6:26

यीशुये तिन्हांजो जबाब दित्या, भई “हऊँ तुहांजो सच्च बोलां, तुहें मेरे पिच्छे इस खातर नीं आये भई तुहें हैरान करने औल़े काम्म देखे, पर इस खातर आये भई तुहांजो खाणे जो रज्जीने रोटी मिली।

यूहन्ना 6:32

यीशुये तिन्हाजो गलाया, “हऊँ तुहां ते सच्च बोलां भई मूसे सै रोटी तुहांजो स्वर्गा ते नीं दित्ति, पर मेरा पिता तुहांजो सच्ची रोटी स्वर्गा ते देआं।

यूहन्ना 6:47

हऊँ तुहांजो सच्च बोलां भई सै जे विश्वास कराँ अनन्त जीवन तिसरा इ हाया।

यूहन्ना 6:70

यीशुये तिन्हांजो जबाब दित्या, “क्या तुहां बाराँ जो मैंई नीं चुणीरा? फेरी भीं तुहां च इक माहणु शैतान रे वशा चा।”