मरकुस 13:36 - बिलासपुरी नौआं नियम

³⁶ येढ़ा नीं हो भई ताहली जे मांह अचानक औणा, तां हऊँ तुहांजो त्यार नीं पाऊँ।

मरकुस 13:36 ပူးပေါင်းရင်းမြစ်များ

मत्ती 25:5

ताहली जे लाड़े जो औणे च देर हुईगी, तां सारी कन्यां जो झमाईयां लगियां कने तिन्हांजो निंद पैईगी।

मरकुस 14:37

फेरी यीशु वापस आया कने तिन्हां तिन्नां चेलेयां जो सुत्तीरे देखीने गलाया शमौन यनि पतरसा, “तू सया राँ? क्या इक घण्टा बी नीं जाग्गी सक्कया?

मरकुस 14:40

कने फेरी आईने तिन्हां तिन्नां जो सुत्तीरा देख्या, काँह्भई तिन्हांरियां आक्खीं च निन्द इतणी जादा थी भई सै आक्खीं खोल्ही नीं पाया राँ थे : कने नीं जाणदे थे भई तिस्सो क्या जवाब दईये।

लूका 21:34

“इस खातर अपणे बारे च सावधान हुई जावा! किति येढ़ा नीं हो भई मौज मस्ती, नशा कने इस संसारा रे फिक्रां ते तुहांरा मन व्यस्त हुईजो, कने माहणुये रे पुत्रा रा दिन अचानक तुहां पर इयां आईजो ताहली जे तुहौं तिसरी आशा नीं हो, तियां जे फन्दा इकदम पशुये जो फसाई लेआं।

लूका 22:45

फेरी सै प्राथना ते उट्ठीने अपणे चेलयां ले गया, पर दुखा रिया वजह ने सै दवास हुईने सुत्तीरे दिखे।

इफिसियां 5:14

इसा वजह ने लोक बोलां ये, “सौणे औल़या जाग कने मूईरेयां चते जिऊंदा हुई जा; तां मसीह री ज्योति तूह पर चमकणी।”