मरकुस 13:11 - बिलासपुरी नौआं नियम

¹¹ ताहली जे तुहांजो गिरफ्तार करील्या जाओ कने अदालता च लेई जाया जाओ, तां पैहले ते चिन्ता देखां करदे, भई अहां क्या बोलणा। पर सै जे किछ तुहांजो तिस वगत दस्या जाणा, सैई बोलणा; काँह्भई बोलणे औल़े तुहें नींये, पर पवित्र आत्मा।”

मरकुस 13:11 ပူးပေါင်းရင်းမြစ်များ

मत्ती 10:17

पर धार्मिक अगुवेयां ते चौकस हुईने रौआ, काँह्भई तिन्हां तुहांजो धोखे च बन्दी बणाईने यहूदी पंचैतां रे हवाले करना, कने तिन्हांरे सभा घरा च तुहां पर कोड़े बरसाणे।

मरकुस 13:12

“तिस वगत लोकां अपणे विश्वासी भाई-भैणां जो मारने रे खातर पकड़वाणा, तियां इ माता पिता अपणे बच्चयां ने करना कने बच्चयां अपणे माता-पिता रे खिलाफ हुईने तिन्हांजो मरवाणे खातर बैरियां रे हत्था च सौंपणा।

मरकुस 13:9

“पर तुहें अपणे बारे च त्यार हुई जावा; काँह्भई लोकां तुहांजो महासभा रे हवाले करना कने तुहांजो यहूदी सभा घराँ च मारया-कुट्टया जाणा, कने मेरिया वजह ते तुहें राजपालां कने राजयां रे सामणे खड़े कित्ते जाणे, ताकि तुहें मेरे खातर गवाही देओ।

लूका 21:12

पर इन्हां सारियां गल्लां ते पैहले, तिन्हां माह पर विश्वास करने रिया वजह ने तुहें पकड़ने, कने सताणे, कने यहूदी सभा घराँ च सौंपणे, कने जेल्लां च पाये जाणे, कने राजयां कने राजपालां रे सामणे लैई जाणे।

यूहन्ना 3:27

यूहन्ने जबाब दित्या, ताहलुआं तक जे किसी माहणुये जो स्वर्गा ते नीं दित्या जाओ, ताहलुआं तक सै किछ नीं पाई सकदा।

प्रेरितां 2:4

सै सब पवित्र आत्मा ने भरीगे, कने तियां जे आत्मा तिन्हांजो बोलणे री सामर्थ देयां था, सै लग-लग भाषा बोलणे लगे।

प्रेरितां 3:13

अब्राहम कने इसहाक कने याकूब रे परमेशर, कने अहांरे पूर्वजां रे परमेशरे अपणे सेवक यीशु री महिमा कित्ती, तिस्सो जे तुहें यहूदी अगुवेयां ले मारने जो पकड़वाईत्या। ताहली जे राजपाल पिलातुसे तिस्सो छडणे रा बचार कित्या, तां तुहें तिसरे सामणे तिसरा इन्कार कित्या।

प्रेरितां 4:31

तां जे सै प्राथना करी चुक्के, तां जगह तित्थी जे सै कट्ठे थे हिल्लीगी, कने सै सब पवित्र आत्मा ते भरीगे, कने परमेशरा रा वचन हिम्मता ने सुणांदे रै।

प्रेरितां 6:10

पर सै तिसा बुद्धिमानिया ने कने पवित्र आत्मा ने बोलां था, सै तिसरे सामणे नीं टिकि सक्के।

प्रेरितां 6:15

तां सारे लोक सै जे सभा च बैठिरे थे, तिस परा जो टेक लाईरी थी कने तिसरा मुँह स्वर्गदूतां साई चमकदा हुया दिखया।

प्रेरितां 7:55

पर तिने पवित्र आत्मा ते भरी ने स्वर्गा खौ देख्या कने परमेशरा रे चमकदे तेज्जा जो कने यीशुये जो खबिया खौ खढ़िरे देख्या,

1 कुरिन्थियों 2:13

येई अहें माहणुये रे ज्ञाना ते सखाई रियां गल्लां च नीं, पर पवित्र आत्मा रियां सखाई रियां गल्लां च, आत्मिक गल्लां जो अहें आत्मिक शब्दां च सुणवांये।

इफिसियां 3:5

ये भेत पिछली पीढ़िया रे लोकां जो इयां नीं दस्सीरा था, तियां जे हुण पवित्र आत्मा रे जरिये परमेशरा रे पवित्र प्रेरितां कने भविष्यवक्तयां पर परगट कित्या गया।

याकूब 1:5

पर जे तुहां चते किसी च बुद्धिया री कमी हो, तां सै परमेशरा ते प्राथना करो, तिस्सो सै मिलणी; काँह्भई सै सारयां जो खुशी-खुशी पूरे दिला ते देआं।

1 पतरस 1:12

पर परमेशरे इन्हां भविष्यवक्तयां जो परगट कित्या भई तिन्हांरा सन्देश तिन्हांरे फायदे रे खातर नीं था बल्कि तुहांरे खातर था। सै सन्देश यीशु मसीह री खुशखबरी आ तिसजो जे हुण तुहें सुणीरा। परमेशरे अपणे पवित्र आत्मा जो स्वर्गा ते इस खातर भेज्या ताकि सै खुशखबरिया रा प्रचार करने च लोकां री मदद करी सक्को। इन्हां गल्लां जो स्वर्गदूत बी बेसब्रिया ने देखणे री इच्छा रक्खां ये।