मरकुस 12:6 - बिलासपुरी नौआं नियम

⁶ हुण भेजणे खातर मालका ले सिर्फ इक इ माह्णु था। सै माह्णु तिसरा अपणा प्यारा पुत्र था; आखिर बिच तिने तिस्सो बी तिन्हां लौ ये सोच्चीने भेज्या, ‘भई सै मेरे पुत्रा रा आदर करगे।’

मरकुस 12:6 ပူးပေါင်းရင်းမြစ်များ

मत्ती 1:23

“सुणा, इक कवारिया कुड़िया गर्भवति हुईने इक मुण्डु जणना, तिसरा नौं इम्मानुएल रखया जाणा,” तिसरा मतलब येआ भई परमेशर अहां सौगी आ।

मत्ती 11:27

“मेरे पिता सारा किछ मिन्जो सौंपीरा; कने हकीकत च पिता ते इलावा कोई बी पुत्रा जो नीं जाणदा; कने कोई बी पुत्रा रे इलावा पिता जो नीं जाणदा; तिसरे खातर जे पुत्रे पिता जो प्रगट करना चाहया।

मत्ती 17:5

सै हल्तियें गल्ल करयां इ कराँ था भई इक चमकदे हुये बद्दल़े सै ढक्कीले, कने बद्दल़ा चते अकाशवाणी हुई : भई “ये मेरा प्यारा पुत्र आ, तिसते जे हऊँ बड़ा खुश आ: इसरी सुणा।”

मत्ती 26:63

पर यीशु चुप रैया। फेरी महायाजके तिसते पुच्छया, “हऊँ तिज्जो जिऊंदे परमेशरा री सगन्द देआं भई जे तू परमेशरा रा पुत्र मसीह आ तां अहां ने गलाईदे।”

मत्ती 3:17

कने स्वर्गा ते इक अवाज़ आई: “ये मेरा प्यारा पुत्र आ, तिसते जे हऊँ बौहत खुश आ।”

मरकुस 1:11

कने परमेशरे स्वर्गा ते यीशुये जो गलाया भई, “तू मेरा प्यारा पुत्र आ, तेरते हऊँ बड़ा प्रसन्न आ।”

मरकुस 12:5

फेरी तिने इक होर दास्सा जो भेज्या; तिन्हें तिस्सो मारीत्या। तां तिने होर कई दास्सां जो भेज्या; तिन्हां चते तिने कईयां जो कुट्टया, कने थोड़यां जो मारीत्या।

मरकुस 12:7

पर ताहली जे करसाणें तिसरे पुत्रा जो औन्दे हुये देख्या, तां तिन्हें इक्की दूये ने गलाया, ‘येई त बगीचे रा बारस आ। आओ, अहें इस्सो मारी दईये, तां सब किछ अहांरा हुई जाणा।’

मरकुस 9:7

फेरी इक्की बद्दल़े तिन्हांजो ढकीत्या, कने परमेशरे बद्दल़ा चते बोल्या, “ये मेरा प्यारा पुत्र आ, इस खातर तुहें इसरी सुणा।”

लूका 3:22

कने पवित्र आत्मा शरीर रे रुपा च कबूतरा साई तिस पर उतरया, कने स्वर्गा ते ये अवाज़ आई : भई, “तू मेरा प्यारा पुत्र आ, हऊँ तेरते बड़ा खुश आ।”

लूका 9:35

तिस बगत तिस बदला चते इक अवाज़ आई कने तिन्हाने गलाणे लगी, “ये मेरा बड़ा प्यारा पुत्र आ कने मैं इसजो चुणीरा, इसरी सुणां।”

यूहन्ना 1:14

कने वचन शरीरा रा रुप लेईने आया; तिने अनुग्रह कने सच्चाईया ने भरी ने अहांरे बिच बास कित्या, कने अहें तिसरी येढ़ि महिमा देक्खी, तेढ़ी जे पिता रे इकलौते पुत्रा री महिमा हुआं इ।

यूहन्ना 1:18

परमेशरा जो किने बी कदीं नीं देख्या, इकलौता पुत्र सै जे मसीह यीशु आ, तिसरा जे पिता ने बड़ा गैहरा रिश्ता, तिने इ अपणे पिता जो अहां सब्बीं पर परगट कित्या।

यूहन्ना 1:34

कने मैं देख्या, कने हऊँ तुहांजो सच्च बोलां भई येई परमेशरा रा पुत्र आ।”

यूहन्ना 1:49

नतनएले तिसजो जबाब दित्या, “गुरू, तू परमेशरा रा पुत्र आ, तू इस्राएल रा राजा।”

यूहन्ना 3:35

या पिता परमेशर अपणे पुत्रा जो प्यार करां, कने तिने सारा किछ तिसरे अधिकारा च दित्तिरा।

यूहन्ना 5:23

इस खातर भई सारे लोक तियां जे पिता परमेशरा रा आदर कराँ ये तियां इ पुत्रा रा आदर बी करो। सै माहणु जे पुत्रा रा आदर नीं करदा, सै तिस पिता परमेशरा रा आदर बी नीं करदा तिने जे मिन्जो भेज्जिरा।

इब्रानियों 1:6

कने फेरी परमेशरे अपणे पैहलौठे पुत्रा जो संसारा च भेजणे ते पैहले ये बोल्या, “परमेशरा रे सब स्वर्गदूत तिसरे अग्गे मत्था टेक्कें।”

1 यूहन्ना 4:9

सै प्यार जे परमेशरे अहांने रखया, सै इसते परगट हुया भई : तिने अपणे इक्को-इक पुत्रा जो संसारा च भेज्या, ताकि अहें तिसरे जरिये अनन्त जीवन पाओ।

3 यूहन्ना 1:1

हऊँ यूहन्ना कलीसिया रा अगवा, ये चिट्ठी प्यारे मित्र गयुस तिज्जो लिखिराँ, तिसने जे असल च हऊँ प्यार कराँ।