मरकुस 12:14 - बिलासपुरी नौआं नियम

¹⁴ तिन्हें आईने तिस्सो गलाया, “गुरू जी, अहें जाणाँ ये, भई तू सच्चा, कने किसी री परवाह नीं करदा काँह्भई तू माहणुआं रा मुँह देखीने गल्लां नीं करदा, (यनि किसी रा पक्षपात नीं करदा) पर परमेशरा रा रस्ता सच्चाईया ने दस्सां। तां मूसा रिया व्यवस्था रे मुताबक क्या बादशाह कैसरा जो यनि रोमी सरकारा जो कर देणा ठीक आ की नीं?

मरकुस 12:14 ပူးပေါင်းရင်းမြစ်များ

मत्ती 22:16

तिन्हे अपणे चेले हेरोद राजे रे समर्थकां सौगी यीशुये ले भेज्जे, तिन्हें यीशुये जो गलाया, “गुरू जी, अहें जाणाँ ये भई तू सच्चा, कने तू परमेशरा रा रस्ता सच्चाईया ने सखां, कने कोई क्या सोच्चां तू किसी री परवाह नीं करदा, काँह्भई तू माहणुआं रिया हैसियता पर नीं जान्दा।

मत्ती 22:17

इस खातर अहांजो दस्स तू क्या सोच्चां? रोमी बादशाह जो कर देणा ठीक आ कि नीं?”

मरकुस 12:13

फेरी यहूदी अगबेयां यीशुये जो गल्लां च फसाणे खातर किछ फरीसी अगुवेयां कने राजा हेरोद रे समर्थकां जो तिसले भेज्या।

मरकुस 12:15

अहें कर दईये की नीं दईये?” पर यीशुये तिन्हारा कपट जाणीने, तिन्हाजो गलाया, “हऊँ जाणा भई तुहें मेरे मुँआं ते किछ गल़त निकलवाणे री कोशिश करी रायें ताकि माह पर कोई दोष लाई सक्को।” कने तिने बोल्या, “इक दिनार (इक्की दिना रिया मजदूरिया रे बराबर था) मेरे लौ ल्यावा, भई हऊँ तिस्सो देक्खुँ।”

मरकुस 14:45

ताहली जे यहूदा कने लोकां री भीड़ यीशुये ले पुज्जी, तां यहूदे इकदम यीशुये ले जाईने गलाया, “गुरू जी!” नमस्कार! कने तिसजो गल़े लगाया।

लूका 20:22

अहांजो येढ़ा दस्सा: भई क्या कैसरा जो कर देणा ठीक आ कि नीं?”

लूका 23:2

सै यीशुये पर इल्जाम लगाणे लगे, “ये माहणु अहांरे लोकां जो बहकाणे लगीरा, ये तिन्हारे राजे कैसरा जो कर देणे ते मना कराँ! कने ये येढ़ा दावा कराँ भई हऊँ मसीह आ, कने अप्पूँजो इक राजा बोलदे हुये सुणया।”

यूहन्ना 7:18

सै जे अपणिया तरफा ते बोलां, सै अपणी बडयाई करवाणा चाँह; पर सै जे अपणे भेजणे औल़े री बडयाई चांह सैई सच्चा माहणु आ, कने तिसच कोई खोट निआं।

रोमियो 13:6

इस खातर तुहांजो टैक्स बी देणा चाहिन्दा, काँह्भई अधिकारी परमेशरा रे सेवक ये सै जे अपणे फर्जां जो पूरा करने च समर्पित रैं।

2 कुरिन्थियों 2:17

परमेशरा रे वचना जो अपणे फायदे खातर, तिसच मिलावट करीने बेचणे औल़े मते सारे दुज्जे लोकां साई अहें नींये। पर अहें त परमेशरा रे सामणे परमेशरा रिया तरफा ते भेज्जीरे माहणुआं रे बराबर मसीह च हुईने सच्चाईया ने बोलां ये।

2 कुरिन्थियों 2:2

काँह्भई जे हऊँ तुहांजो दुख देन्गा, तां सच्चीजो मिन्जो खुश करने रे खातर कोई बी नीं रैहणा, काँह्भई मैं तुहौं दुख दित्तिरा।

2 कुरिन्थियों 4:1

काँह्भई परमेशरा रिया दया ते तिसरे वचना रा प्रचार करने री सेवा अहांजो मिली, इस खातर अहें निराश नीं हुन्दे।

2 कुरिन्थियों 5:11

इस खातर प्रभु ते डरदे हुये अहें सच्चाईया पर विश्वास करने रे खातर लोकां ने विनती करदे रै; परमेशर खुद अहौं पूरे तरिके ने जाणा भई अहें केढ़े; कने मेरी आशा येई भई तुहें बी अहांजो ठीक ढंगा ने जाणाँ ये।

2 कुरिन्थियों 5:16

इस खातर हुण ते अहें किसी बी माहणुये रा न्याय संसारा रे नजरिये ने नीं करो। इक बगत था ताहली जे अहें मसीह रा न्याय बी संसारा रे नजरिये ने कित्या था। पर हुण अहें मसीह जो संसारा रिया नज़राँ ने नीं देखदे।

गलातियां 1:10

साफ तौर पर, हऊँ लोकां जो खुश करने री कोशिश नीं करदा, पर परमेशरा जो खुश करना चाँह। हकीकत च हऊँ लोकां जो खुश नीं करना चाहन्दा, जे हऊँ हुण तक लोकां जोई खुश करदा रैहन्दा, तां हऊँ मसीह रा सेवक नीं हुन्दा।

गलातियां 2:6

पर तिन्हौं जे लोक अगुवे समझां थे (सै चाये केढ़े बी थे मिन्जो इसते किछ फर्क नीं पौन्दा, परमेशर किसी री तरफदारी नीं करदा) इन्हां अगुवेयां ते मिन्जो कोई नई गल्ल नीं मिली।

1 थिस्सलुनीकियां 2:4

पर तियां जे परमेशरे अहांजो लायक समझीने खुशखबरी सौंपी, इस खातर अहें माहणुआं जो नीं, पर अहांरे मना जो परखणे औल़े परमेशरा जो खुश करने रे खातर उपदेश देआंये।