मरकुस 11:3 - बिलासपुरी नौआं नियम

³ जे कोई तुहांते पुच्छो, ‘ये क्या करया रायें?’ तां बोल्यों, ‘यीशु अहांरे प्रभुये जो इसरी जरूरत इ,’ कने तिस छोड़े इ इस्सो येत्थी भेजी देणा।”

मरकुस 11:3 ပူးပေါင်းရင်းမြစ်များ

मरकुस 11:2

“सामणे रे गाँवां च जावा कने तिसच पुजदे इ इक गधिया रा बच्चा, तिस पर जे कोई बी बैठिरा नीं हो, तुहौं बझीरा मिलणा। तिस्सो खोल्ही ने येत्थी ली औआ।

मरकुस 11:4

तां तिन्हें जाईने तिस बच्चे जो बाहर दरवाजे सौगी गल़िया च बझीरा पाया, कने खोलणे लगे।

मरकुस 14:15

घरा रे मालका तुहांजो इक सजीरा-सजाई रा, कने त्यार कित्तिरा बड्डा कमरा दस्सी देणा, तित्थी तुहें अहांरे खातर फसह रा खाणा बणायों।”

प्रेरितां 1:24

कने ये प्राथना किति, “हे प्रभु, तू जे सब्बीं रे मना जो जाणाँ, ये प्रगट कर भई इन्हां चते तैं किस्सो चुणीरा,

प्रेरितां 10:36

सै जे वचन तिने इस्राएलियां ला भेज्या, ताहली जे तिने यीशु मसीह रे जरिये सै जे सब्बीं रा प्रभु आ शान्तिया री खुशखबरी सुणाई,

प्रेरितां 17:25

तिस्सो किसी चिज़ां री कमी नीं इस खातर तिस्सो माहणुआं रिया सहायता री जरूरत नीं, काँह्भई सैई सब्बीं जो जीवन कने सांस कने सब किछ देणे औल़ा।

2 कुरिन्थियों 8:9

काँह्भई अहांरे प्रभु यीशु मसीह रे अनुग्रह जो तुहें जाणाँ ये; भई सै अमीर हुन्दे हुये बी तुहांरे खातर गरीब बणीग्या, ताकि तिसरिया गरीबिया ते तुहें अमीर बणी जो।