मरकुस 11:25 - बिलासपुरी नौआं नियम

²⁵ कने ताहली जे कदीं तुहें खड़ीने प्राथना कराँ ये तां जे तुहांरे मना च किसी रिया तरफा ते कोई वरोध हो, तां तिस्सो माफ करा : इस खातर भई तुहांरा स्वर्गीय पिता बी तुहांरे पाप माफ करे।

मरकुस 11:25 ပူးပေါင်းရင်းမြစ်များ

मत्ती 5:23

इस खातर जे तू मन्दरा रिया बेदिया पर अपणी भेंट चढ़ाईराँ, कने तित्थी तिज्जो याद आओ, भई तेरे भाईये रे मना च तेरे खातर कोई बरोध आ,

मत्ती 6:12

कने जियां जे किन्हिये अहांरे बरोधा च पाप कित्या तिन्हांजो अहें माफ कराँ ये, तियां इ तू बी अहांरे पापां जो माफ कर।

मत्ती 6:5

“ताहली जे तुहें प्राथना करो तां कपटियां साई मत करा, काँह्भई सै यहूदी सभा घराँ च कने सड़कां रे मोड़ां पर खड़ीने प्राथना करना चाँये ताकि लोक तिन्हांजो देखीने तिन्हांरी बडयाई करी सक्को। हऊँ तुहांजो सच्च बोलां भई तिन्हांजो इसरा ईनाम सैई बडयाई मिली।

लूका 18:11

फरीसी कल्हा खड़ा हुईने अपणे मना च इयां प्राथना करने लगया, भई परमेशर, हऊँ तेरा धन्यवाद कराँ, काँह्भई हऊँ दुज्जेयां लोकां साई अन्धेर करने औल़ा चोर, ठग कने पापी, निआं, खास कर इस चुंगी लेणे औल़े साई, सै जे ऊत्थी खढ़िरा! मैं कदीं किसी जो धोखा नीं दित्या, हऊँ पाप नीं करदा, कने नां हऊँ ब्याभिचार कराँ,

लूका 18:13

पर तिने चुंगी लेणे औल़े माहणुये दूर खड़ा हुईने, स्वर्गा खौ देखणा बी नीं चाहया बजाय इसरे, सै अपणी छात्तिया पिटदे-पिटदे बड़ा दुखी हुईने बोलणे लगया, “हे परमेशर, माह पर दया कर, काँह्भई हऊँ पापी आ।

लूका 6:37

“दुज्यां पर इल्जाम नीं लगावा, नैत परमेशरा बी तुहां पर इल्जाम लगाणा। किसी री निंध्या नीं करा नैत परमेशरा तुहांरी बी निंध्या करनी। दुज्यां जो माफ करा, तां तुहांजो बी परमेशरा माफ करना।

इफिसियां 4:32

अप्पूँ चियें इक्की दुज्जे रे प्रति दयालु कने करुणावान बणा कने अप्पूँ चियें इक्की दूये रे अपराधां जो तियां इ माफ करा तियां जे मसीह रे जरिये तुहांजो परमेशरे बी माफ कित्या।

कुलुस्सियां 3:13

तुहांजो अप्पूँ चियें ताहली जे कदीं कोई शकैत ओ, तां इक्की दूये री सैहण करी लो कने इक्की दूये रे अपराध माफ करा, तियां जे परमेशरे तुहांरे अपराध माफ कित्ते, तियां इ तुहें बी माफ करा।

याकूब 2:13

इस खातर जे तुहें दुज्यां पर दया नीं करदे, तुहां पर बी दया नीं किति जाणी; जे तुहें दुज्यां रे प्रति दयालु रै, तां परमेशरा तुहांरे खातर बी दयालु रैहणा ताहली जे तिस न्याय करना।

प्रकाशितवाक्य 11:4

ये जैतून्ना रे दो डाल़ कने दो दिऊये सै जे धरतिया रे प्रभुये रे सामणे खड़े रैं।