मरकुस 11:23 - बिलासपुरी नौआं नियम

²³ हऊँ तुहांजो सच बोलां भई जे कोई इस पहाड़ा जो बोल्लो, ‘तू उखड़ी जा, कने समुद्रा च जाईने पौ,’ कने अपणे मना च भरोसा रक्खो भई तेढ़ा जे सै बोलगा, तियां इ हुईजो, तां तिस खातर सैई हूणा।

मरकुस 11:23 ပူးပေါင်းရင်းမြစ်များ

मत्ती 14:13

ताहली जे यीशुये इसरी चर्चा सुणी, तां सै तित्थी ते किश्तिया पर किसी सुनसान जगह च चलिग्या; पर ताहली जे लोकां जो इसरा पता चलया, तां सै अपणे-अपणे शहर कने गाँवां ते निकल़ीने तिसरे पिच्छे चलीपे।

मत्ती 17:20

यीशुये तिन्हांजो दस्या, “काँह्भई तुहां च विश्वासा री कमी, हऊँ तुहांजो सच्च बोलां, जे तुहां च राईया रे दाणे जितना बी विश्वास हुन्दा, तां तुहें इस पहाड़ा ने बोल्ली सक्कां ये, येत्थीते हटिने ओतखा चली जा, कने तिस चली जाणा; तुहें किछ बी करी सक्कां ये।

मत्ती 21:21

यीशुये तिन्हांजो जबाब दित्या, “हऊँ तुहांजो सच्च बोलां, जे तुहां च विश्वास ओ कने तुहें शक नीं करो, तां न सिर्फ ये करना सै जे मैं अंजीरा रे डाल़ा रा कित्या, पर जे तुहें इस पहाड़ा ने बोल्लो, ‘उट्ठ, कने समुद्रा च जाईने पैईजा,’ तां तेढ़ा इ हुई जाणा।

लूका 17:6

यीशुये जबाब दित्या, “अगर तुहांरा विश्वास राईया रे दाणे जितना बी हुन्दा, तां तुहें इस तूत्ता रे डाल़ा जो बोलदे, तू जड़ां ते पटोईने समुद्रा च लगी जा, तां सै बी तुहांरा हुक्म मन्नी लेंदा!”

यूहन्ना 14:13

जो किछ तुहां मेरे नौआं ते मेरते मंगणा सै माह करी देणा, ताकि पुत्रा रे जरिये पिता री महिमा हो।

यूहन्ना 15:7

जे तुहें मेरेने जुड़ीरे रौ कने मेरे उपदेशा रे मुतावक चलदे रौ, तां जो किछ तुहें चाँह यें मंगा, सै तुहांजो मिली जाणा।

1 कुरिन्थियों 13:2

कने जे हऊँ भविष्यवाणी करी सक्कूँ, कने सब्बीं भेतां कने सब प्रकारा रे ज्ञाना जो समझूं, कने मिन्जो येत्थी तका पूरा विश्वास हो भई हऊँ पहाड़ां जो हटाई सक्कां, पर प्यार नीं रखूं, तां हऊँ किछ निआं।