मरकुस 11:14 - बिलासपुरी नौआं नियम

¹⁴ फेरी यीशुये तिस डाल़ा ने गलाया, “हूणा ते कोई बी तेरा फल़ दबारा नीं खांगा!” कने तिसरे चेले इसा गल्ला जो सुणयां राँ थे।

मरकुस 11:14 ပူးပေါင်းရင်းမြစ်များ

मत्ती 21:19

बाट्टा रे कण्डे तिने अंजीरा रा इक डाल़ देख्या, सै तिसरे नेड़े गया, पर तिस डाल़ा पर पत्तयां ते इलावा किछ नीं मिलया, इस खातर तिने डाल़ा ने गलाया, “हुण ते तिज्जो कदीं फल़ नीं लगो।” कने सै अंजीरा रा डाल़ इकदम सुक्कीग्या।

मत्ती 21:33

“इक होर उदाहरण सुणा: इक जमीनदार था, तिने अंगूरां रा इक बगीचा लगाया, कने तिसरे चऊँ पासयां बाड़ लाईती, फेरी अंगूरां रा रस नकाल़णे जो इक खड्डा खुणया कने तिसरिया रखवाल़िया रे खातर इक ऊच्ची दवाल बणाई, फेरी बगीचा ठेकेदाराँ जो ठेके पर देईने अप्पूँ दूर प्रदेशा जो चलिग्या।

मत्ती 21:44

सै जे कोई इस खास पत्थरा पर पौंगा, सै टुकड़े-टुकड़े हुईने बिखरी जाणा कने जे ये पत्थर किसी पर पौंगा, तां तिस चकनाचूर हुई जाणा।”

मत्ती 3:10

कने तियां जे इक माहणु अपणिया कुहाड़िया ने सै डाल़ जे बुरा फल़ ल्यावां तिसजो बड्डी टुक्की ने अग्गी च जल़ाणे जो त्यार आ, ठीक तियां इ परमेशर बी तुहौं तुहांरे पापां खातर सजा देणे जो त्यार आ।

मत्ती 7:19

माहणु तिन्हां सारयां पेड़ां जो बड्डी टुक्की ने अग्गी च फुकी देआं, तियां इ झूट्ठे भविष्यवक्तयां सजा पाणी।

मरकुस 11:13

सै दूरा ते अंजीरा रा इक डाल़ देखीने इकदम तिसरे नेड़े गया भई शायद तिसच कोई फल़ मिली जाओ : पर पत्तयां जो छड्डिने किछ नीं मिलया; काँह्भई फल़ा रा मौसम नीं था!

मरकुस 11:15

फेरी यीशु कने तिसरे चेले वापस यरूशलेम नगरा च आये, कने सै मन्दरा रे अंगणा च गया; कने तित्थी सै जे लेण-देण करया राँ थे तिन्हांजो बाहरा कड्डणे लगया, कने बेचणे कने खरीदणे औल़यां रियां चौकियां कने कबूतर बेचणे औल़यां रियां चौकियां पल़टी तियां,

यूहन्ना 15:6

जे कोई मांहने जुड़ीरा नीं रैंहदा तां सै टुटी रिया डालिया साई सटी दित्या जां कने सै सुकी जां। फेरी तिन्हां डालियां जो कट्ठयां करीने अग्गी च पाईने फुकी दें।

2 पतरस 2:20

इस खातर जे ये अहांरे प्रभु कने छुटकारा करने औल़े यीशु मसीह जो जाणने रे जरिये संसारा रे खोटा ते बचणे ते बाद फेरी तिन्हां च फसीने हारी गरे, तां तिन्हांरी पिछली दशा पैहले ते बी बुरी हुईगरी।

प्रकाशितवाक्य 22:11

सै जे अन्याय कराँ, सै अन्याय इ करदा रौ; कने सै जे गन्दा, सै गन्दा इ बणीरा रौ; सै जे धर्मी आ, सै धर्मी बणीरा रौ; कने सै जे पवित्र आ, सै पवित्र बणीरा रौ।”