मरकुस 10:52 - बिलासपुरी नौआं नियम

⁵² यीशुये तिसने गलाया, “चलीजा, तेरे विश्वासा रिया वजह ते मैं तिज्जो ठीक कित्या।” कने सै इकदम देखणे लगीग्या, कने रस्ते च तिसरे पिछे-पिछे चलीप्या।

मरकुस 10:52 ပူးပေါင်းရင်းမြစ်များ

मत्ती 11:5

भई अन्हे देक्खां ये कने लंगड़े चला फिराँ ये, कोढ़ी ठीक कित्ते जांये कने टौणे सुणां ये, मुड़दे जिऊंदा कित्ते जायें, कने दीन दुखियां जो यीशु मसीह रिया खुशखबरिया रा प्रचार कित्या जां।

मत्ती 12:22

फेरी लोक यीशुये ले इक येढ़े माहणुये जो लयाये सै जे गूँगा कने अन्हा था, काँह्भई तिसच शैतान था; यीशुये तिसजो चंगा कित्या, कने सै गूँगा बोलणे कने देखणे लगया।

मत्ती 15:28

फेरी यीशुये तिसाजो जबाब दित्या, “हे औरत तेरा विश्वास बड़ा बड्डा। सै जे तू चाँई, पूरा ओ।” कने तिस इ घड़ी तिसारी कुड़ी ठीक हुईगी।

मत्ती 21:14

फेरी अन्हे कने लंगड़े, मन्दरा च तिसले आये, कने तिन्हाजो तिने ठीक कित्या।

मत्ती 8:3

यीशुये अपणा हात्थ अग्गे करीने तिसजो छुया कने बोल्या, “बिल्कुल हऊँ चाँह, तू ठीक हुईजो।” कने सै इकदम तिस कोढ़ा ते ठीक हुईग्या।

मत्ती 9:22

मुड़ीने तिसाजो देखदे हुये यीशुये गलाया, “बेटी हौंसला रख; तेरे विश्वासे तिज्जो इसा बमारिया ते ठीक कित्या।” कने सै जनाना तिस इ पल ठीक हुईगी।

मरकुस 1:31

तां यीशुये तिसारे नजदीक जाईने तिसारा हात्थ पकड़ीने तिसाजो ठुआलया; तां तिसारा बुखार उतरीग्या। कने सै तिन्हांरी सेवा-टैहल करने लगी।

मरकुस 5:34

यीशुये तिसाने गलाया, “पुत्री, तू ठीक हुईगी काँह्भई तैं विश्वास कित्या भई हऊँ तिज्जो ठीक करी सक्कां: बेफिक्र हुईने जा, कने तेरी दर्दनाक बमारी हुण नीं औणी।”

मरकुस 8:25

तां तिने फेरी भीं तिसरियां आक्खीं पर हात्थ रखे, कने अन्हे बड़े गौरा ने देख्या। सै ठीक हुईग्या, कने सब साफ-साफ देखणे लगया।

लूका 7:50

यीशुये तिसा जनाना ने गलाया, “परमेशरे तिज्जो बचाईल्या, काँह्भई तैं माह पर विश्वास कित्या, इस खातर बेफिक्र हुईने जा।”

लूका 9:48

फेरी तिन्हांने बोल्या, “सै जे कोई मेरे नौआं ते इस बच्चे जो ग्रहण कराँ, सै मिन्जो ग्रहण कराँ; कने सै जे कोई मिन्जो ग्रहण कराँ, सै मेरे भेजणे औल़े जो ग्रहण कराँ, काँह्भई ये सै आ सै जे तुहां च सबनी ते छोट्टा, सैई महान आ।”

यूहन्ना 9:32

संसारा रिया शुरुआता ते ये कदीं सुणने च नीं आया भई किन्हिये किसी जन्मा रे अन्हे माहणुये रिया आक्खीं च जोत पाई ओ।

यूहन्ना 9:39

फेरी यीशुये गलाया, “हऊँ इस संसारा च इस न्याय जो करने आईरा, ताकि सै जे नीं देखदे सै देखणे लगो कने सै जे देक्खां ये सै अन्हे हुई जाओ।”

प्रेरितां 26:18

भई तू तिन्हांजो इसा गल्ला रा एहसास करवाई दो भई सच्च क्या? कने झूट्ठा पर विश्वास करने रे बजाय परमेशरा रिया सच्चाईया पर विश्वास करा; ये सब इस खातर ताकि सै पापां री माफी कने मांह पर विश्वास करने ते पवित्र कित्तिरे लोकां सौगी बिरासत पाई सक्को।’