मरकुस 10:48 - बिलासपुरी नौआं नियम

⁴⁸ तिस्सो मतयां लोकें झिड़कया भई सै चुप रौ, पर सै होर बी जोरा ने हाकां पाणे लगया, “हे दाऊद री सन्तान, माह पर दया कर।”

मरकुस 10:48 ပူးပေါင်းရင်းမြစ်များ

मत्ती 19:13

फेरी लोक किछ बच्चयां जो लेईने तिसले आये भई सै तिन्हारे सिरा पर हात्थ रखीने प्राथना करो कने तिन्हांजो आशीरबाद देओ, पर चेलयां सै थिड़के।

मत्ती 20:31

लोकें सै थिड़के कने गलाया तुहें चुप नीं रैई सकदे; पर सै तिसते बी जादा राड़ां मारने लगे, “प्रभु, दाऊद रे वंशज, अहां पर दया कर।”

मत्ती 9:27

यीशु ताहली जे तित्थी ते जाणे लगया, तां दो माहणु आक्खीं ते अन्हे तिसरे पिच्छे हाक पान्दे हुये चले, “ओ राजा दाऊद रे वंशज, अहां पर दया कर!”

मरकुस 10:13

फेरी लोक बालकां जो यीशुये लौ ल्यौणे लगे भई सै तिन्हां पर हात्थ रक्खीने तिन्हांजो आशीर्वाद देओ, पर चेलयां तिन्हांजो झिड़कया।

मरकुस 5:35

सै येढ़ा गलाया इ कराँ था भई यहूदी सभा घरा रे सरदार याईर रे घरा ते किछ लोकें आईने गलाया, “तेरी कुड़ी त हुण मरीगी, गुरुये जो अपणे घरें सद्दीने परेशान करने री जरूरत नीं।”

लूका 18:39

सै लोक जे अग्गे-अग्गे चलीरे थे, सै तिस्सो थिड़कणे लगे, चुप रै; पर सै होर बी जादा रड़ाणे लगया, “हे दाऊद रे पुत्र, माह पर दया कर!”

इफिसियां 6:18

कने तियां जे पवित्र आत्मा तुहांरी अगुवाई कराँ, तियां इ हर बगत कने सब प्रकारा रियां प्राथनां कने विनतियां करदे रौआ। इसा वजह ने जागदे रौआ कने सब पवित्र लोकां रे खातर लगातार प्राथना करदे रौआ।

इब्रानियों 5:7

ताहली जे यीशु इस संसारा च था तां तिसरे जीवन काला च ऊच्चिया अवाज़ा च पुकारदे हुये कने रोन्दे हुये आँसुआं ने परमेशरा रे सामणे प्राथना कने विनती कित्ती सै जे तिस्सो मौती ते बचाई सक्कां था; काँह्भई सै नम्र कने परमेशरा रे प्रति समर्पित था इस खातर परमेशरे तिसरी प्राथना सुणीने तिसजो जबाब दित्या।