मरकुस 10:24 - बिलासपुरी नौआं नियम

²⁴ चेले तिसरियां गल्लां ते बड़े हैरान हुये भई तिने क्या गलाया! इस खातर यीशुये फेरी भीं तिन्हांजो जबाब दित्या, “मेरे बच्चयो, सै जे धना पर भरोसा रखां ये, तिन्हां खातर ये फैसला लेणा कितना मुश्कल आ भई परमेशर तिन्हांरियां जिन्दगियां पर राज करो!

मरकुस 10:24 ပူးပေါင်းရင်းမြစ်များ

मत्ती 19:25

ये सुणीने, चेलयां बौहत हैरान हुईने बोल्या, “फेरी किसरा छुटकारा हुई सक्कां?”

मरकुस 1:27

येढ़ा देखीने यहूदी सभा घरा रे लोक बड़े हैरान हुये कने अप्पूँ चियें गलाणे लगे, “ये क्या गल्ल इ? ये कोई नौआं उपदेश आ! ये तां अधिकारा ने बुरीआत्मां जो बी हुक्म देआं, कने सै तिसरे हुक्मां जो मन्नां ये।”

मरकुस 10:23

यीशुये चऊँ तरफा देखीने अपणयां चेलयां ने गलाया, “अमीर लोकां जो इसा गल्ला रा फैसला करना बड़ा मुश्कल आ भई परमेशर तिन्हांरियां जिन्दगियां पर राज करो!”

लूका 16:14

फरीसी, सै जे दौलता ने बड़ा जादा प्यार कराँ थे, ताहली जे तिन्हें यीशुये रियां गल्लां सुणियां तां सै तिसरा मजाक डवाणे लगे।

यूहन्ना 13:33

“मेरे बच्चयो हऊँ थोड़िया देरा तका जो तुहांजो सौगी आ। इसते बाद तुहां मिन्जो टोल़णा, कने तियां जे मैं यहूदी अगुवेयां ने गलाया था, ‘तित्थी जे हऊँ जां, तित्थी तुहें नीं आई सकदे,’ सैई हऊँ हुण तुहांजो बोलां।

यूहन्ना 21:5

फेरी यीशुये तिन्हांजो पुच्छया, “बच्चो! क्या तुहांले मच्छियां हईयां?” तिने जबाब दित्या, अहांले निआं।

यूहन्ना 6:60

इस खातर तिसरे चेलयां चते कईयें इन्हां गल्लां जो सुणीने गलाया, भई “ये शिक्षा त बौहत मुश्कल इ, इस पर कुण विश्वास करी सक्कां?”

गलातियां 4:19

मेरे प्यारे बच्चो, तियां जे इक औरत बच्चा जणने रे वगत पीड़ा जो अनुभव कराँ इ, तियां इ हऊँ भीं तुहांरे खातर इक बार पीड़ सैईराँ। मांह तिसा पीड़ा च तदुआं तक रैहणा तदुआं तक जे तुहें पूरे तरिके ने मसीह साई नीं बणी जान्दे।

1 तिमुथियुस 6:17

इस संसारा रे अमीर लोकां जो हुक्म देओ भई सै घमण्डी नीं हो कने सै धना पर आशा नीं रखो सै जे किछ वगता रे खातर आ, पर सै परमेशरा पर आशा रखो सै जे अहांरे सुखा खातर सब किछ ईमानदारिया ने अहांजो देआं।

1 यूहन्ना 2:1

मेरे प्यारे बच्चयो, ये गल्लां हऊँ तुहांजो इस खातर लिखिराँ भई तुहें पाप नीं करो, कने जे कोई पाप करो तां परमेशर पिता ले अहांरा इक सहायक आ यनिके धर्मी यीशु मसीह तिस्सो जे अहें पापां जो माफ करने रे खातर बोल्ली सक्कां ये।

1 यूहन्ना 4:4

मेरे प्यारे बच्चो, तुहें परमेशरा रे लोक ये, कने तुहें झूट्ठे भविष्यवक्तयां पर जीत पाईरी; काँह्भई सै पवित्र आत्मा जे तुहां चा, सै संसारा च रैहणे औल़े शैतान्ना ते महान आ।

1 यूहन्ना 5:21

मेरे बच्चो, येढ़ी हर इक चीजा ते दूर रौआ सै जे तुहांरे दिलां च परमेशरा री जगह लेई लैंई।

प्रकाशितवाक्य 3:17

तू बोलां भई हऊँ अमीर आ, कने धन कमाईरा, कने मिन्जो किसी चीज़ा री जरूरत नीं; पर तू नीं जाणदा भई तू अभागा, नीच, गरीब, अन्हा कने नंगा।