मरकुस 10:23 - बिलासपुरी नौआं नियम

²³ यीशुये चऊँ तरफा देखीने अपणयां चेलयां ने गलाया, “अमीर लोकां जो इसा गल्ला रा फैसला करना बड़ा मुश्कल आ भई परमेशर तिन्हांरियां जिन्दगियां पर राज करो!”

मरकुस 10:23 ပူးပေါင်းရင်းမြစ်များ

मत्ती 18:3

कने बोल्या “हऊँ तुहांजो सच्च बोलां भई जे तुहें बदली ने बच्चयां साई नम्र नीं ओ, तां परमेशरा तुहां पर राज करने जो सैहमत नीं हूणा।

मरकुस 10:15

हऊँ तुहांजो सच्च बोलां भई सै जे कोई परमेशरा जो अपणे राजे रे रुपा च बच्चयां साई ग्रहण नीं करो, तां परमेशरा तिन्हां पर राज करने जो सैहमत नीं हूणा।”

मरकुस 10:22

इसा गल्ला ते तिसरे मुँआं पर उदासी छाईगी, कने सै दुखी हुईने चलिग्या, काँह्भई सै बौहत धनी था।

मरकुस 3:5

यीशुये तिन्हांरे अड़ियल स्वाभावा ते उदास हुईने बड़े गुस्से ने तिन्हांरी तरफ देख्या, कने तिस माहणुये जो गलाया, “अपणा हात्थ मेरी तरफ कर।” तियां जे तिने हात्थ अग्गे कित्या, सै ठीक हुईग्या।

मरकुस 5:32

यीशु लगातार इक्खा-उक्खा देखदा रैया ये जाणने रे खातर भई ये किने कित्या था।

लूका 18:24

यीशुये तिस्सो देखीने बोल्या, “अमीराँ रा परमेशरा रे राज्जा च दाखल हूणा कितना मुश्कल आ?

यूहन्ना 3:5

यीशुये तिस्सो जबाब दित्या, “हऊँ तेरने सच्च बोलां, कोई बी परमेशरा रे राज्जा च दाखल नीं हुई सकदा तदुआं तक जे सै पाणिये ते कने आत्मा ते जन्म नीं लौ।

1 कुरिन्थियों 1:26

अरे साथी विश्वासिओ, इस बारे च सोच्चा भई तुहें क्या थे ताहली जे परमेशरे तुहांजो सद्दया। माहणुआं रे बिचारा रे मुतावक तुहां चते कई लोक नां बौहत ज्ञान-वान, कने नां बौहत सामर्थी कने नां राजसी थे।

याकूब 2:5

मेरे प्यारे साथी विश्वासियो, ध्याना ने सुणा, क्या परमेशरे तिन्हां लोकां जो नीं चुणीरा, सै जे संसारा रिया नजरां च गरीब ये, ताकि सै विश्वासा च अमीर हुई जो कने तिस राज्जा रे बारस बणो, तिसजो जे परमेशरे अपणयां भगतां जो देणे रा वायदा कित्तीरा?

याकूब 4:4

विश्वासघाती लोको, क्या तुहांजो ये पता नींआ भई संसारा री दोस्ती तुहांजो परमेशरा रा दुश्मण बणां ईं? हऊँ भीं बोलां भई जे तुहांरा मकसद इस संसारा रा मजा लुटणा इ हाया, तां तुहें परमेशरा रे दोस्त नीं हुई सकदे।

2 पतरस 1:11

कने परमेशरा तुहांजो दिला ते राज्जा च स्वागत करना, तित्थी जे यीशु मसीह सै जे अहांरा प्रभु कने अहांरा छुटकारा देणे औल़े सदा खातर राज्ज करना।