मरकुस 10:19 - बिलासपुरी नौआं नियम

¹⁹ तू हुक्मां जो त जाणाँ इ हया : हत्या नीं करनी, व्यभिचार नीं करना, चोरी नीं करनी, झूट्ठी गवाही नीं देणी, छल नीं करना, अपणे पिता कने माता रा आदर करना।”

मरकुस 10:19 ပူးပေါင်းရင်းမြစ်များ

मरकुस 10:18

यीशुये तिसने गलाया, “तू मिन्जो अव्वल काँह बोलां? कोई अव्वल निआं, सिर्फ इक आ मतलब परमेशर।

लूका 18:20

पर तित्थी तक जे तेरे स्वाला री गल्ल इ, तां तू परमेशरा री आज्ञां जो त जाणाँ : भई व्याभिचार नीं करना, खून नीं करना, चोरी नीं करनी, झूट्ठी गवाही नीं देणी कने अपणे माता पिता रा आदर करना।”

रोमियो 13:9

काँह्भई मूसा री व्यवस्था च बौहत सारे हुक्म ये तियां जे, “व्यभिचार मत कर, खून मत कर, चोरी मत कर, लालच मत रख।” कने इन्हांजो छड्डिने होर कोई बी हुक्म ओ, तां सब्बीं रा निचोड़ इसा गल्ला च पाया जां, “अपणे पड़ेसिये ने अप्पूँ साई प्यार कर।”

रोमियो 3:20

काँह्भई व्यवस्था रा पालन करने ते कोई बी माहणु परमेशरा रे सामणे धर्मी नीं हूणा, पर व्यवस्था माहणुआं जो ये जाणने च मदद कराँ इ भई तिन्हें पाप कित्तिरा।

गलातियां 4:21

व्यवस्था रे अधीन रैहणे औल़यां ते हऊँ पुछणा चाँह; क्या तुहें नीं सुणदे भई व्यवस्था क्या बोलां इ?

गलातियां 5:14

काँह्भई सारी व्यवस्था इसा इक्की हुक्मा च पूरा हुई जाईं, “तू अपणे पड़ेसिये ने तियां प्यार कर, तियां जे तूं खुद अप्पूँ ने प्यार कराँ।”

1 थिस्सलुनीकियां 4:6

भई इसा गल्ला च कोई अपणे विश्वासी भाईये रे बरोधा च पाप नीं करो, कने नां तिसरा गल़त फायदा लौ, काँह्भई प्रभु यीशुये तिन्हां सारयां जो सजा देणी सै जे इस तरिके रे काम्म कराँ ये; तियां जे भई अहें तुहां लोकां जो साफ शब्दां च समझाई चुक्कीरे।

याकूब 2:11

सैई परमेशर तिने जे बोल्या था, “तू व्यभिचार नीं करयां” ये बी गलाया था, “तू हत्या नीं करयां।” इस खातर जे तुहें व्यभिचार नीं करदे पर हत्या कराँ ये तां बी तुहें परमेशरा रिया व्यवस्था जो तोड़ने औल़े हुये।