मरकुस 10:17 - बिलासपुरी नौआं नियम

¹⁷ कने तंजे सै तित्थी ते निकल़ीने रस्ते च जाये रां था, तां इक माहणु तिसलौ दौड़दा-दौड़दा आया, कने तिसरे सामणे गोडे टेक्कीने तिस्सो पुच्छया, “हे अव्वल गुरू, अनन्त जीवन पाणे रे खातर हऊँ क्या करूँ?”

मरकुस 10:17 ပူးပေါင်းရင်းမြစ်များ

मत्ती 17:14

ताहली जे यीशु मुड़ीने लोकां च आया, तां इक माहणु तिसले आया, कने तिसजो झुकीने मत्था टेक्कया कने बोल्या,

मत्ती 25:34

फेरी राजे यनि मांह अपणे सज्जे पासे औल़यां ने बोलणा, मेरे पिता ते आशीष पाईरे लोको औआ! कने सै राज जे तुहांरे खातर संसारा जो बनाणे ते पैहले त्यार कित्तिरा तिसजो ग्रहण करा।

मत्ती 28:8

सै जनानां डर कने खुशिया ने भरीगियां कने कब्रा ते मुड़ीने तिसरयां चेलयां जो खुशखबरी देणे खातर दौड़ी गियां।

मरकुस 1:40

इक कोढ़ी माहणुये तिसले आईने, तिसरे सामणे घुटने टेक्कीने तिसने विनती कित्ती, “जे तुहें चाओ तां मेहरवानी करीने मिन्जो इस रोगा ते ठीक करा।”

मरकुस 10:18

यीशुये तिसने गलाया, “तू मिन्जो अव्वल काँह बोलां? कोई अव्वल निआं, सिर्फ इक आ मतलब परमेशर।

मरकुस 12:14

तिन्हें आईने तिस्सो गलाया, “गुरू जी, अहें जाणाँ ये, भई तू सच्चा, कने किसी री परवाह नीं करदा काँह्भई तू माहणुआं रा मुँह देखीने गल्लां नीं करदा, (यनि किसी रा पक्षपात नीं करदा) पर परमेशरा रा रस्ता सच्चाईया ने दस्सां। तां मूसा रिया व्यवस्था रे मुताबक क्या बादशाह कैसरा जो यनि रोमी सरकारा जो कर देणा ठीक आ की नीं?

मरकुस 9:25

तंजे यीशुये देख्या भई होर बी लोक अहांजो देखणे खातर कट्ठे हुया रायें, तां तिने बुरीआत्मा जो येढ़ा बोलीने झिड़कया, “गूँगा कने बैहरा करने औल़ी आत्मा, हऊँ तिज्जो हुक्म देआं, इस चाते निकल़ी जा, कने इसच भीं ते कदीं बी देखां जांदी।”

लूका 10:25

इक दिन ताहली जे यीशु लोकां जो सखाया राँ था, तां इक व्यवस्थापक उट्ठया; कने ये बोल्लीने तिसजो परखणे लगया, “गुरू जी, अनन्त जीवना रा बारस होणे रे खातर हऊँ क्या करूँ?”

यूहन्ना 3:2

सै रात के बगत यीशुये ले आया कने बोल्या, गुरू जी, हऊँ जाणाँ भई तुहें परमेशरा रिया तरफा ते अहांजो सखाणे आईरे, काँह्भई सै चमत्कार जे तुहें दस्सां ए तिस्सो परमेशरा रिया सहायता ते बगैर कोई बी नीं दस्सी सकदा।

यूहन्ना 5:39

तुहें पवित्रशास्त्रा च टोल़ां ये, काँह्भई तुहें समझां ये भई तिसच तुहांजो अनन्त जीवन मिलां, पर ये सारे पवित्रशास्त्र मेरी इ गवाही दें;

यूहन्ना 6:40

काँह्भई मेरे पिता री इच्छा येई, भई तिस जे पुत्रा जो देखीने तिस पर विश्वास करना तिस अनन्त जीवन पाणा; कने माह सै न्याय रे दिन भीं ते जिऊंदा करी देणा।”

प्रेरितां 16:30

कने तिन्हांजो बाहर ल्याईने गलाया, “हे सज्जनो, छुटकारा पाणे खातर हऊँ क्या करूँ?”

प्रेरितां 2:37

तां सुणने औल़यां लोकां जो ये विश्वास हुईग्या था भई तिन्हें कोई गल़त काम्म कित्या, कने सै पतरस कने प्रेरितां ते पुछणे लगे, “हे भाईयो, अहें क्या करिये?”

प्रेरितां 20:32

कने हुण हऊँ परमेशरा जो, कने तिसरे अनुग्रह रे वचना जो तुहांजो दई देन्दा; सै जे प्रभु यीशु मसीह च तुहांरा विश्वास मजबूत करी सक्को कने परमेशरा रे जरिये सब पवित्र कित्तिरे लोकां च सहभागी हुईने तुहांरा उत्तराधिकार दिलाई सक्कां।

प्रेरितां 9:6

पर हुण उट्ठीने नगरा च जा, कने जो किछ तू करना सै तिज्जो दस्या जाणा।”

रोमियो 2:7

सै जे लगातार खरे कर्म करदे हुये महिमा, आदर कने अमरता रिया खोज्जा च रैं, तिन्हौं परमेशरा अनन्त जीवन देणा;

रोमियो 6:23

काँह्भई पापा री मजदूरी त मौत इ, पर परमेशरा रा बरदान अहांरे प्रभु मसीह यीशुये च अनन्त जीवन आ।

इफिसियां 1:18

हऊँ परमेशरा ने ये बी प्राथना कराँ भई सै तुहौं सच्चाईया जो समझणे च तुहांरी मदद करगा, भई तुहें तिसा आस्सा जो जाणी लो तिसरे खातर जे तिने तुहांजो सद्दीरा; कने तुहें इसा गल्ला जो जाणो भई सै आशीषां जे परमेशर अपणयां लोकां जो देणे रा वायदा कराँ सै कितणियां महान इ।

तीतुस 3:7

ताकि अहें तिसरे अनुग्रह रे जरिये परमेशरा रिया नज़राँ च धर्मी बणी सक्को, कने अनन्त जीवन पाणे रे खातर आशा करी सक्को, सै जे परमेशरे अहांजो देणे रा वायदा कित्तिरा।

इब्रानियों 1:14

तां स्वर्गदूत क्या कराँ ये? सै सारे सिर्फ परमेशरा रेई सेवक ये तिसजो जे परमेशर छुटकारा पाणे औल़यां रा ख्याल रखणे खातर भेज्जां।

1 पतरस 1:4

कने अहें तिसा विरासता जो पाई सक्को तिसजो जे परमेशरे अपणयां लोकां रे खातर रखीरा। तिने तुहांरे खातर बी स्वर्गा च रखीरा तित्थी जे सै कदी सड़नी नीं, कदी बिगड़नी नीं, कदी मिटणी नीं।

1 यूहन्ना 2:25

कने तिने अहांजो अनन्त जीवन देणे रा बादा कित्तिरा।