मरकुस 10:1 - बिलासपुरी नौआं नियम

¹ फेरी यीशु कफरनहूम नगरा जो छड्डिने यहूदिया रे इलाके री सीमा च कने यरदना नदिया ते पार गया। भीड़ तिसले फेरी कट्ठी हुईगी, फेरी सै अपणे तरिके ने तिन्हौं उपदेश देणे लगया।

मरकुस 10:1 ပူးပေါင်းရင်းမြစ်များ

मत्ती 26:55

तिस बगत यीशुये भीड़ा जो गलाया, “तुहें मिन्जो पकड़ने तलवारां कने डन्डयां लेईने इयां आये तियां जे किसी चोरा जो पकड़ने आईरे? हऊँ हर रोज मन्दरा च बैठीने उपदेश देआं था, पर ताहली तुहें हऊँ काँह नीं पकड़या।

मत्ती 4:23

यीशु सारे गलील प्रदेशा च फिरदा हुआ तिन्हां रयां यहूदी सभा घराँ च उपदेश करदा कने स्वर्ग राज्जा री खुशखबरिया रा प्रचार करदा, कने हरेक किस्मा री बमारी कने कमजोरियां जो दूर करदा रैया।

मरकुस 1:21

यीशु कने तिसरे चेले कफरनहूम नगरा च आये, कने सै इकदम विस्राम रे दिन, यहूदी सभा घरा च जाईने उपदेश देणे लगया।

मरकुस 10:2

तां फरीसियें तिसले आईने तिस्सो परखणे खातर तिसते पुच्छया, “क्या ये यहूदी व्यवस्था रे मुतावक ठीक आ भई पुरुष अपणी पत्नियां जो छड्डी दो?”

मरकुस 12:35

फेरी यीशुये मन्दरा रे अंगणा च उपदेश देन्दे हुये ये गलाया, “शास्त्री काँह बोलां ये भई मसीह दाऊद रा पुत्र आ?

मरकुस 14:49

हऊँ त हर दिन मन्दरा रे अंगणा च तुहां सौगी इ उपदेश देआं था, कने तां तुहें मिन्जो नीं पकड़या : पर ये इस खातर हुआ भई पवित्रशास्त्रा च जो किछ लिखिरा सै पूरा हुई सक्को।”

मरकुस 2:13

यीशु इक बार भीं कफरनहूम नगरा ते गलील दरयावा रे कनारे गया। बौहत सारे लोक तिसले आए, कने सै तिन्हांजो परमेशरा रा सन्देश देणे लगया।

मरकुस 4:2

कने सै तिन्हांजो उदाहरणां च बौहत सारियां गल्लां सखाणे लगया, कने अपणे उपदेशा च तिन्हांने गलाया,

मरकुस 6:2

विस्रामा रे दिन सै यहूदी सभा घरा च उपदेश देणे लगया; कने बौहत लोक सुणीने हैरान हुये कने तिन्हांते पुच्छया, “इने माह्णुये ये गल्लां कितिते सिक्खियां? इस्सो ये सारा ज्ञान कने इस तरिके रे चमत्कार करने री शक्ति कित्तिते मिली?

मरकुस 6:34

ताहली जे यीशु किश्तिया ते उतरया, तिने इक बौहत बड्डी भीड़ देक्खी, कने तिन्हां पर तिस्सो तरस आया, काँह्भई सै तिन्हां भेड्डां साई थे, तिन्हांरा जे कोई रखवाल़ा नीं हो; सै तिन्हांजो परमेशरा रे राज्जा री बौहत सारी गल्लां सिखाणे लगया।

मरकुस 6:6

कने तिस्सो तिन्हांरे अविश्वासा पर हैरानी हुई। इसते बाद यीशु नेड़े-तेड़े रे गाँवां च गया कने लोकां जो परमेशरा रा सन्देश सखाया।

यूहन्ना 10:40

फेरी यीशु यरदन नदिया पार चलिग्या, तिसा जगह जे यूहन्ना पैहले बपतिस्मा देआं था, कने तित्थी रैया।

यूहन्ना 11:7

दुईं दिनां ते बाद यीशुये अपणे चेलयां जो बोल्या, “औआ, अहें यहूदिया प्रदेशा रे बैतनिय्याह गाँवां जो चलिये।”

यूहन्ना 18:20

यीशुये जबाब दित्या, “मैं सदा लोकां च रईने सारयां ने खुल्लेआम गल्ल-बात किति; मैं यहूदी सभा घराँ कने मन्दरा च तित्थी जे सारे लोक कट्ठे हुआं ये, सदा उपदेश दित्या। मैं कदीं बी लुखी-छिपिने किछ नीं गलाया।