मरकुस 1:45 - बिलासपुरी नौआं नियम

⁴⁵ तिसते बाद तिने सब्बीं लोकां जो दस्सीत्या भई यीशुये कियाँ तिस्सो रोगा ते ठीक कित्या, इस खातर यीशु लोकां रे सामणे गाँवां च नीं जाई सक्कया। तां सै गाँवां ते बाहर सुनसान जगह च रैहणे लगया, पर लोक तिस इलाके रे चऊँ पासयां ते तिसला जो औंदे रै।

मरकुस 1:45 ပူးပေါင်းရင်းမြစ်များ

मत्ती 28:15

पैहरेदारें पैसा लेईने तेढ़ा इ कित्या, तेढ़ा जे तिन्हांजो दस्सीरा था। ये गल्ल यहूदियां च आज्ज तक इसी रुपा च फैलीरी।

मत्ती 9:26

कने इसा गल्ला रा चर्चा सारे लाके च फैल्लीग्या।

मत्ती 9:31

पर तिन्हे ऊत्थीते जाईने ये खबर तिस लाके रे चऊँ पासयां फैलाईती।

मरकुस 2:13

यीशु इक बार भीं कफरनहूम नगरा ते गलील दरयावा रे कनारे गया। बौहत सारे लोक तिसले आए, कने सै तिन्हांजो परमेशरा रा सन्देश देणे लगया।

मरकुस 3:20

कने यीशु घरा जो आया कने येढ़ि भीड़ कट्ठी हुईगी भई सै रोटी बी नीं खाई सक्के।

मरकुस 3:7

इसते बाद यीशु अपणयां चेलयां सौगी गलील दरयावा री तरफ चलीप्या कने गलील जिले ते इक बड्डी भीड़ तिसरे पिछे चलीपी।

मरकुस 7:36

तां यीशुये लोकां ने बोल्या भई किसी ने देखां बोलदे; पर जितना तिने तिन्हांजो चिताया तितना इ सै होर प्रचार करने लगे।

यूहन्ना 6:2

कने लोकां री इक बड्डी भीड़ तिसरे पिच्छे चलीपी काँह्भई जो चमत्कार करने औल़े काम्म सै बमाराँ पर दस्सां था लोक तिन्हाजो देक्खां थे।

तीतुस 1:10

हऊँ इस खातर ये बोलां काँह्भई बौहत सारे लोक तिस समूहा चते सै जे ये दवाव पांये भई सारे मसीह लोकां रा खतना हूणा जरूरी आ, ये लोक अधिकारियां रा आदर नीं करदे, कने अपणी बकवास गल्लां ते दुज्यां लोकां जो धोखा देआंये।