मरकुस 1:4 - बिलासपुरी नौआं नियम

⁴ यशायाह भविष्यवक्ते जिस सनेहा देणे औल़े माहणुये रे बारे च लिखया था ये सै यूहन्ना था, तिसजो जे लोक बपतिस्मा देणे औल़ा बोलां थे। सै जे सुनसान जगह च बपतिस्मा देआं, कने लोकां जो ये प्रचार कराँ था भई “अपणे पापी स्वाभावा जो बदला कने मांह तुहांजो बपतिस्मा देणा, तां परमेशरा तुहांरे पाप माफ करने।”

मरकुस 1:4 ပူးပေါင်းရင်းမြစ်များ

मत्ती 3:11

“हऊँ त तुहांजो तुहांरे मन बदलने खातर पाणिये ते बपतिस्मा देआं, पर तिस जे मेरते बाद प्रचार करने औणा, सै माहते जादा सामर्थी आ; कने हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाऊँ, तां तिस बी लायक नींआ। तिस तुहांजो पवित्र आत्मा कने अग्गी ते बपतिस्मा देणा।

मत्ती 3:6

कने अपणे-अपणे पापां जो मन्नी लेणे ते बाद यूहन्ने तिन्हांजो यरदन नदिया च बपतिस्मा दित्या।

मरकुस 1:5

यहूदिया प्रदेशा ते कने यरूशलेम नगरा ते बौहत लोक निकल़ीने यूहन्ने लौ गये, कने अपणे पापां जो मन्नीने यरदन नदिया च तिसते बपतिस्मा लेआ।

लूका 1:77

तू अपणयां लोकां जो ये सखाणा भई सै कियां तिन्हांजो छुटकारा देणे रे खातर तिन्हांरे पापां जो माफ कराँ।

यूहन्ना 3:23

कने यूहन्ना बी एनोन नौआं रे गाँवां च सै जे सामरिया इलाके च सालोम नगरा ले था बपतिस्मा देआं था, काँह्भई तित्थी बौहत सारा पाणी था कने लोक तित्थी आईने बपतिस्मा लेआं थे।

प्रेरितां 10:37

सै वचन तिस्सो जे तुहें जाणाँ ये, सै जे यूहन्ना रे बपतिस्मे रे प्रचारा ते बाद गलील प्रदेशा ते शुरु हुईने यहूदिया प्रदेशा रे बौहत सारे लाकयां च फैलीग्या;

प्रेरितां 22:16

हुण देर काँह करया राँ? उट्ठ बपतिस्मा लै, कने यीशु मसीह पर विश्वास कर ताकि परमेशर तेरे पाप माफ करो’।”