मरकुस 1:35 - बिलासपुरी नौआं नियम

³⁵ सवेरे तड़के इ, ताहली जे हल्तियें अन्धेरा इ था, यीशु उट्ठीने घरा ते बाहर निकल़या, कने गाँवां ते दूर सुनसान जगह च जाईने प्राथना करने लगया।

मरकुस 1:35 ပူးပေါင်းရင်းမြစ်များ

मत्ती 14:13

ताहली जे यीशुये इसरी चर्चा सुणी, तां सै तित्थी ते किश्तिया पर किसी सुनसान जगह च चलिग्या; पर ताहली जे लोकां जो इसरा पता चलया, तां सै अपणे-अपणे शहर कने गाँवां ते निकल़ीने तिसरे पिच्छे चलीपे।

मत्ती 14:23

लोकां जो भेज्जीने, सै कल्हा प्राथना करने जो पहाड़ा पर चलिग्या; कने सन्झा तक सै ऊत्थी कल्हा इ था।

मरकुस 1:36

फेरी शमौन कने तिसरे साथी तिसरिया खोज्जा च गये।

लूका 5:16

पर यीशु तिन्हाते दूर सुनसान जगह च जाईने प्राथना कराँ था।

लूका 6:12

तिन्हां दिनां च यीशु पहाड़ा पर प्राथना करने जो गया, कने सै सारी रात पिता परमेशरा ते प्राथना करदा रैया।

यूहन्ना 4:34

यीशुये तिन्हांजो गलाया, “मेरा खाणा तिस परमेशरा रिया इच्छा रा पालन करना हया तिने जे मिन्जो भेज्जिरा, कने तिसरे कम्मा जो पूरा करना सै जे तिने मिन्जो सौंपीरा।

यूहन्ना 6:15

यीशु ये जाणिग्या भई ये मिन्जो राजा बनाणे खातर आई ने पकड़ना चाँये, इस खातर सै कल्हा इ पहाड़ा पर चलीया।

इफिसियां 6:18

कने तियां जे पवित्र आत्मा तुहांरी अगुवाई कराँ, तियां इ हर बगत कने सब प्रकारा रियां प्राथनां कने विनतियां करदे रौआ। इसा वजह ने जागदे रौआ कने सब पवित्र लोकां रे खातर लगातार प्राथना करदे रौआ।

फिलिप्पियां 2:5

तेढ़ा जे यीशु मसीह रा स्वाभाव था तुहांरा स्वाभाव बी तेढ़ा इ हूणा चाहिन्दा;

इब्रानियों 5:7

ताहली जे यीशु इस संसारा च था तां तिसरे जीवन काला च ऊच्चिया अवाज़ा च पुकारदे हुये कने रोन्दे हुये आँसुआं ने परमेशरा रे सामणे प्राथना कने विनती कित्ती सै जे तिस्सो मौती ते बचाई सक्कां था; काँह्भई सै नम्र कने परमेशरा रे प्रति समर्पित था इस खातर परमेशरे तिसरी प्राथना सुणीने तिसजो जबाब दित्या।