मरकुस 1:34 - बिलासपुरी नौआं नियम

³⁴ तिने बौहत लोकां जो सै जे कईयां बमारियां ते दुखी थे, ठीक कित्या, कने कई सारी बुरीआत्मां जो कड्डया; कने बुरीआत्मां जो बोलणे नीं दित्या, काँह्भई सै जाणा थिआं, भई यीशु परमेशरा रिया तरफा ते आईरा।

मरकुस 1:34 ပူးပေါင်းရင်းမြစ်များ

मत्ती 4:23

यीशु सारे गलील प्रदेशा च फिरदा हुआ तिन्हां रयां यहूदी सभा घराँ च उपदेश करदा कने स्वर्ग राज्जा री खुशखबरिया रा प्रचार करदा, कने हरेक किस्मा री बमारी कने कमजोरियां जो दूर करदा रैया।

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

मरकुस 1:25

यीशुये तिस्सो थिड़की ने गलाया, “चुप रै! कने तिस चते निकल़ी जा।”

मरकुस 3:12

पर यीशुये बार-बार तिन्हांजो सावधान कित्या भई सै मेरे बारे च लोकां जो किछ नीं दस्सो।

लूका 4:41

कने बुरीआत्मायें रड़ान्दी हुई कने ये बोलदी हुई, भई “तू परमेशरा रा पुत्र आ,” बौहत लोकां चते निकल़ी गियां, पर सै तिन्हाजो थिड़कां था कने बोलणे नीं देन्दा था, काँह्भई बुरी आत्मा जाणाँ थिआं, भई सै मसीह आ।