मरकुस 1:27 - बिलासपुरी नौआं नियम

²⁷ येढ़ा देखीने यहूदी सभा घरा रे लोक बड़े हैरान हुये कने अप्पूँ चियें गलाणे लगे, “ये क्या गल्ल इ? ये कोई नौआं उपदेश आ! ये तां अधिकारा ने बुरीआत्मां जो बी हुक्म देआं, कने सै तिसरे हुक्मां जो मन्नां ये।”

मरकुस 1:27 ပူးပေါင်းရင်းမြစ်များ

मत्ती 15:31

इसते लोकां जो ये देखीने भई बैहरे गूँगे बोलणे लगीरे, कने टुन्डे ठीक हुईगे, कने लंगड़े चली फिरी कराँ ये कने अन्हे हुण देक्खी पाई रायें, बौहत हैरानी हुई, सै इस्राएल रे परमेशरा री बडयाई करने लगे।

मत्ती 8:9

हऊँ ये जाणाँ काँह्भई हऊँ बी किसी रे अधीन काम्म कराँ; कने मेरे अधीन सिपाई मेरे हुक्मा रा पालन कराँ ये, कने ताहली जे इक्की जो बोलां, ‘जा,’ तां सै ‘जां,’ कने दुज्जे जो बोलां भई ‘औ’ तां सै औआं; कने अपणे किसी दास्सा ने बोलूं भई ये कर, तां सै तिस्सो कराँ।”

मत्ती 9:33

ताहली जे यीशुए बुरीआत्मा जो तिस आदमिये चते बाहर कड्डीत्या, तां तिने गुंगे बोलणा शुरू करीत्या। फेरी इस पर लोकें चम्भा करीने गलाया, “इसते पैहले इस्राएल च येढ़ा कदीं नीं देख्या गया।”

मरकुस 1:26

फेरी बुरीआत्मा तिस्सो मरोड़ीने, कने बड़े जोरा ने रड़ांदे हुये तिस चते निकल़ीगी।

मरकुस 1:28

कने तिसरा नौं इकदम गलील परदेशा रे आसे-पासे रे सारे लाकयां च फैल्लीग्या।

मरकुस 10:24

चेले तिसरियां गल्लां ते बड़े हैरान हुये भई तिने क्या गलाया! इस खातर यीशुये फेरी भीं तिन्हांजो जबाब दित्या, “मेरे बच्चयो, सै जे धना पर भरोसा रखां ये, तिन्हां खातर ये फैसला लेणा कितना मुश्कल आ भई परमेशर तिन्हांरियां जिन्दगियां पर राज करो!

मरकुस 10:32

यीशु कने तिसरे चेले यरूशलेम नगरा जो जाणे औल़े रस्ते च थे, कने यीशु तिन्हांते अग्गे-अग्गे जाया राँ था : चेले हैरान थे कने सै जे तिसरे पिछे-पिछे चलीरे थे सै डरीरे थे, तां यीशुये फेरी तिन्हां बाराँ जो लईने तिन्हांने ये गल्लां बोलणे लगया, सै जे तिसने हुणे औल़ियां थिआं,

मरकुस 16:5

कब्रा रे अन्दर जाईने तिन्हें इक जवाना जो चिट्टे कपड़े पैहनीरे सज्जे पासे बैठिरा देख्या, कने बौहत हैरान हुईयां।

मरकुस 16:6

तिने तिन्हांने बोल्या, “हैरान मत हुंदियां, तुहें यीशु नासरिये जो टोल़ां इयां, सै जे क्रूसा पर चढ़ाया था। सै जिऊंदा हुईगरा, येत्थी निआं; देक्खा, ये सैई जगह इ, तित्थी जे तिन्हें तिस्सो रखीरा था।

मरकुस 7:37

सै बौहत इ हैरान हुईने बोलणे लगे, “तिने जो किछ कित्या सब खरा कित्या; सै बैहरयां जो सुणने री, कने गुंगयां जो बोलणे री बी ताकत देआं।”

लूका 4:36

इस पर सारयां लोकां जो हैरानी हुई कने सै अप्पूँ चियें गलाणे लगे, “ये केढ़ा वचन आ? भई सै अधिकारा कने सामर्थय ने बुरीआत्मा जो हुक्म देआं, कने सै निकल़ी जाईयां”

लूका 9:1

फेरी यीशुये अपणे बारा चेलयां जो सद्दीने कट्ठा कित्या कने तिन्हांजो सारी बुरीआत्मां कने बमारियां जो दूर करने री सामर्थ कने अधिकार दित्या,

प्रेरितां 17:19

फेरी सै तिस्सो अप्पूँ सौगी अरियुपगुस सभा च लईगे कने पुच्छया, “क्या अहें जाणी सक्कां यें भई ये नई शिक्षा तिस्सो जे तू सणवां, क्या?