मत्ती 9:6 - बिलासपुरी नौआं नियम

⁶ पर इस खातर भई तुहें जाणी लवा भई मिन्जो यनि माहणुये रे पुत्रा जो धरतिया पर पाप माफ करने रा अधिकार आ।” तिने लकवे रे रोगिये जो गलाया, “उट्ठ, अपणिया पाल़किया चक कने घरौ चली जा।”

मत्ती 9:6 ပူးပေါင်းရင်းမြစ်များ

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

मत्ती 8:20

यीशुये तिसने गलाया, “गिदड़ियां ले तिन्हांरी कुड कने अम्बरा रे पंछियां रे आलणे हुआं ये; पर माहणुये रे पुत्रा ले सौणे रे खातर बी अपणा घर नींआ।”

मत्ती 9:2

तिस वगत किछ लोक लकवे रे इक रोगिये जो पाल़किया पर रखीने तिसले ल्याये। तिन्हांरा विश्वास देखीने यीशुये तिस लकवे रे रोगिये ने बोल्या, “हे पुत्र, हौंसला रख; तेरे पाप माफ हुईगे।”

मत्ती 9:5

जादा ठीक क्या? ये बोलणा, भई ‘तेरे पाप माफ हुये’, या ये बोलणा, भई ‘खड़ा ओ कने चली पौ।’

मत्ती 9:7

सै इकदम खड़ा हुया कने अपणे घरौ चलिग्या।

मरकुस 2:10

पर इस खातर भई तुहांजो ये पता लगी जाओ भई मिन्जो यनि माहणुये रे पुत्रा जो धरतिया पर पाप माफ करने रा बी अधिकार आ।” यीशुये तिस लकवे रे रोगिये जो गलाया,

मरकुस 2:7

“इस माहणुये जो येढ़ा नीं बोलणा चाहिन्दा? येत परमेशरा री निंध्या कराँ! परमेशरा ते इलावा होर कोई पाप माफ नीं करी सकदा!”

लूका 5:21

फेरी शास्त्री कने फरीसी अपणे-अपणे मनां च बिचार करने लगे भई, “ये कुण आ, सै जे परमेशरा री निंध्या कराँ? परमेशरा जो छड्डिने कुण पापां जो माफ करी सक्कां?”

यूहन्ना 10:28

कने माह तिन्हाजो अनन्त जीवन देणा। कने सै कदीं बी नाश नीं हूणा, कने कोई बी तिन्हांजो मेरेते खोई नीं सकदा।

यूहन्ना 17:2

तैं मिन्जो सारयां लोकां पर अधिकार दित्तिरा, भई हऊँ तिन्हां सब्बीं जो अनन्त जीवन देऊं।

यूहन्ना 5:27

बल्कि मिन्जो न्याय करने रा बी अधिकार दित्या, इस खातर भई हऊँ माहणुये रा पुत्र आ।

यूहन्ना 5:8

यीशुये तिसजो गलाया, “उट्ठ, अपणी चट्टाई चक्कीने चल फिर।”

प्रेरितां 5:31

परमेशरे यीशुये जो स्वर्गा च सद्दीने सब्बींते ऊच्चे औहदे पर बठाल़या, तिने तिस्सो अधिकार दित्या ताकि सै अहांरा छुटकारा करीने अहां पर राज करो। परमेशरे येढ़ा इस खातर कित्या भई अहें इस्राएली अपणे पापां ते मन फिराई लो ताकि सै अहांजो कने अहांरे पापां जो माफ करी दो।

प्रेरितां 9:34

पतरसे तिस्सो गलाया, “ओ एनियास! यीशु मसीह तिज्जो ठीक कराँ। उट्ठ, कने अपणे बिस्तरे जो कठेर।” तां सै झटपट उट्ठीने खड़ा हुई गया।

2 कुरिन्थियों 2:10

पर जे तुहें किसी जो माफ कराँ ये, तां तिस्सो हऊँ बी माफ कराँ। जे हकीकत च मिन्जो किछ माफ करने री जरूरत इ-तां ताहली जे हऊँ माफ कराँ, तां सै तुहांरी भलाईया रिया वजह ने मसीह रे सामणे माफ कित्तिरा।

2 कुरिन्थियों 5:20

इस खातर अहें मसीह रे राजदूत ये; मानो परमेशर अहांरे जरिये तुहांजो बिनती करी रां। मसीह रिया तरफा ते अहें तुहांजो निवेदन कराँ ये भई परमेशरा ने मेल-मलाप करी लो।

इफिसियां 4:32

अप्पूँ चियें इक्की दुज्जे रे प्रति दयालु कने करुणावान बणा कने अप्पूँ चियें इक्की दूये रे अपराधां जो तियां इ माफ करा तियां जे मसीह रे जरिये तुहांजो परमेशरे बी माफ कित्या।

कुलुस्सियां 3:13

तुहांजो अप्पूँ चियें ताहली जे कदीं कोई शकैत ओ, तां इक्की दूये री सैहण करी लो कने इक्की दूये रे अपराध माफ करा, तियां जे परमेशरे तुहांरे अपराध माफ कित्ते, तियां इ तुहें बी माफ करा।