मत्ती 9:2 - बिलासपुरी नौआं नियम

² तिस वगत किछ लोक लकवे रे इक रोगिये जो पाल़किया पर रखीने तिसले ल्याये। तिन्हांरा विश्वास देखीने यीशुये तिस लकवे रे रोगिये ने बोल्या, “हे पुत्र, हौंसला रख; तेरे पाप माफ हुईगे।”

मत्ती 9:2 ပူးပေါင်းရင်းမြစ်များ

मत्ती 14:27

यीशुये फौरन तिन्हांने गल्ल करदे हुये गलाया, “हौंसला रखा! ये हऊँ आ, मता डरदे!”

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

मत्ती 6:12

कने जियां जे किन्हिये अहांरे बरोधा च पाप कित्या तिन्हांजो अहें माफ कराँ ये, तियां इ तू बी अहांरे पापां जो माफ कर।

मत्ती 8:10

ये सुणीने यीशुये जो चम्भा हुया, कने सै जे तिसरे पिच्छे आई कराँ थे तिन्हांने बोल्या, “हऊँ तुहांजो सच्च बोलां, भई मुझे इस्राएल देश में इक बी येढ़ा माहणु नीं मिलया, सै जे गैर-यहूदी माहणुए साई माह पर भरोसा करां।

मत्ती 8:16

ताहली जे सान्झ हुई तां सै तिसले मते सारे येढ़े लोकां जो ल्याये तिन्हां च जे बुरीआत्मां थिआं कने किछ बमार थे तिने तिन्हां आत्मां जो अपणे वचना ने बाहर कड्डित्या; कने सारे बीमाराँ जो ठीक कित्या।

मत्ती 9:22

मुड़ीने तिसाजो देखदे हुये यीशुये गलाया, “बेटी हौंसला रख; तेरे विश्वासे तिज्जो इसा बमारिया ते ठीक कित्या।” कने सै जनाना तिस इ पल ठीक हुईगी।

मत्ती 9:5

जादा ठीक क्या? ये बोलणा, भई ‘तेरे पाप माफ हुये’, या ये बोलणा, भई ‘खड़ा ओ कने चली पौ।’

मत्ती 9:6

पर इस खातर भई तुहें जाणी लवा भई मिन्जो यनि माहणुये रे पुत्रा जो धरतिया पर पाप माफ करने रा अधिकार आ।” तिने लकवे रे रोगिये जो गलाया, “उट्ठ, अपणिया पाल़किया चक कने घरौ चली जा।”

मरकुस 1:32

दिन घरने ते बाद संझा रे वगत किछ लोक येढ़यां लोकां जो यीशुये ले ल्याये सै जे बमार थे, कने तिन्हां च जे बुरीआत्मां थिआं।

मरकुस 10:49

तां यीशुये रुकीने गलाया, “तिस्सो सद्दा।” कने लोकें तिस अन्हे जो सद्दीने तिस्सो गलाया, “हौंसला रख! उट्ठ यीशु तिज्जो सदया राँ।”

मरकुस 5:34

यीशुये तिसाने गलाया, “पुत्री, तू ठीक हुईगी काँह्भई तैं विश्वास कित्या भई हऊँ तिज्जो ठीक करी सक्कां: बेफिक्र हुईने जा, कने तेरी दर्दनाक बमारी हुण नीं औणी।”

मरकुस 6:50

कने सै ये देखीने घबराईगे। पर यीशुये इकदम तिन्हांने गल्लां कित्ती कने बोल्या, “हौंसला रखा : हऊँ आ; डरदे मता।”

यूहन्ना 16:33

मैं तुहांजो ये सब गल्लां इस खातर बोलियां भई तुहांजो मेरते शान्ति मिलो। संसार तुहांजो दुख देआं, हिम्मत रखा! मैं संसारा जो जित्तिल्या।”

यूहन्ना 2:25

तिस्सो इसा गल्ला री कोई जरूरत नीं थी भई कोई आईने तिसजो लोकां रे बारे च दस्सो, काँह्भई लोकां रे मना च क्या, इसजो सै जाणाँ था।

यूहन्ना 21:5

फेरी यीशुये तिन्हांजो पुच्छया, “बच्चो! क्या तुहांले मच्छियां हईयां?” तिने जबाब दित्या, अहांले निआं।

प्रेरितां 14:9

सै पौलुसा जो गल्लां करदे सुणया राँ था पौलुसे तिसखा नज़राँ गड्डीने देख्या भई तिस्सो ठीक हुणे रा विश्वास आ,

प्रेरितां 19:12

येत्थी तका भई रमाल कने पुआरने तिसरे शरीरा ने छुआई ने बमाराँ पर सट्टां थे, कने तिन्हांरियां बमारियां चली जां थिआं; कने बुरीआत्मां तिन्हां चते निकल़ी जां थिआं।

प्रेरितां 23:11

तिसा राति प्रभु यीशु तिसले आया कने खड़े हुईने गलाया, “हे पौलुस, हिम्मत रख; काँह्भई तेढ़ी जे तैं यरूशलेम च मेरी गवाही दित्ति, तेढ़ी तिज्जो रोम शहरा च बी गवाही देणे पौणी।”

रोमियो 5:11

कने सिर्फ येई नीं, पर अहें अपणे प्रभु यीशु मसीह रे जरिये परमेशरा च आनन्द कराँ ये, तिसरिया बजह ने जे हुण अहांरा मेल हुईरा।

याकूब 2:18

पर कोई बोल्ली सक्कां, “तेरले विश्वास आ पर हऊँ खरयां कम्मां जो मन्नां।” तुहें बिणा कम्मां ते अपणा विश्वास दस्सा कने हऊँ अपणे कम्मां ते अपणा विश्वास दसगा।