मत्ती 9:14 - बिलासपुरी नौआं नियम

¹⁴ फेरी बपतिस्मा देणे औल़े यूहन्ने रे चेलयां तिसले आईने बोल्या, “क्या वजह इ भई अहें कने फरीसी इतणा उपवास कराँ ये, पर तेरे चेले उपवास नीं करदे?”

मत्ती 9:14 ပူးပေါင်းရင်းမြစ်များ

मत्ती 11:2

यूहन्ने ताहली जे जेल्ला च मसीह रे कम्मां री खबर सुणीने अपणे चेलयां जो तिसते ये पुछणे जो भेज्या भई,

मत्ती 6:16

“ताहली जे तुहें उपवास करो, तां तुहांरे मुँह कपटियां साई उदास नीं हुणे चाहिन्दे, काँह्भई सै अपणा मुँह बणाईने रखां ये, ताकि सै लोकां जो जतलाई सक्को भई अहें उपवास करी रायें। हऊँ तुहांजो सच्च बोलां भई सै अपणा ईनाम पाई बैट्ठे।

मत्ती 9:15

यीशु तिन्हांजो उदाहरण देईने ये दसणा चाँह, भई “क्या बरातिये, तदुआं तक जे लाड़ा तिन्हां सौगी आ, दुख मनाई सक्कां ये? पर सै दिन औणे भई ताहली जे लाड़ा तिन्हाते लग कित्या जाणा, तिस बगत सै दुखी हुणे कने उपवास रखणा।

यूहन्ना 3:25

ऊत्थी यूहन्ने रे चेलयां री किसी यहूदी धर्म गुरुये सौगी शुद्धीकरण रे बारे च बैहस बसाई हुईगी।

यूहन्ना 4:1

फेरी ताहली जे यीशुये जो पता लगया भई फरीसियें सुणया भई यीशु यूहन्ने ते जादा लोकां जो चेले बणाईराँ कने तिन्हांजो बपतिस्मा देई कराँ।